༄༅།། བོད་ཀྱི་གཞོན་ནུ་ལྷན་ཚོགས་ཀྱི་འགན་འཛིན་ལྷན་ཚོགས་ཐེངས་ ༤༥ པ་དེ་བཞིན་རྒྱ་གར་བྱང་ཤར་འབྲས་ལྗོངས་མངའ་སྡེའི་རྒྱལ་ས་སྒང་ཏོག་ས་གནས་ཀྱི་བོད་མིའི་ཆོལ་གསུམ་ཚོགས་ཁང་དུ་བོད་རྒྱལ་ལོ་ ༢༡༤༡ སྤྱི་ལོ་ ༢༠༡༤ ཟླ་བ་ ༨ ཚེས་ ༡༡ ནས་ ༡༦ བར་བསྐྱངས་པའི་པའི་གྲོས་ཆོད་ཁག་གཤམ་གསལ།

གྲོས་གཞི་དོན་ཚན་དང་པོ།
བོད་ཀྱི་གཞོན་ནུ་ལྷན་ཚོགས་ཀྱི་སྤྱི་ཁྱབ་དབུས་རྒྱུན་ལས་དང་། ས་གནས་རྒྱུན་ལས་ཁག་གི་ལས་བསྡོམས་དང་རྩིས་ཁྲར་ཞིབ་བཤེར་གནང་རྒྱུ།
གྲོད་ཆོད།
བོད་ཀྱི་གཞོན་ནུ་ལྷན་ཚོགས་ཀྱི་སྤྱི་ཁྱབ་དབུས་རྒྱུན་ལས་དང་། ས་གནས་རྒྱུན་ལས་ཁག་གི་ལས་བསྡོམས་དང་རྩིས་ཁྲར་ཞིབ་བཤེར་འཐུས་ཚང་ཟིན།

གྲོས་གཞི་དོན་ཚན་གཉིས་པ།
བོད་ཀྱི་གཞོན་ནུ་ལྷན་ཚོགས་ཀྱི་འགན་འཛིན་ལྷན་ཚོགས་ཐེངས་ ༤༣ པའི་གྲོས་ཆོད་ཁག་ཞིབ་བཤེར་དང་འབྲེལ། ཕྱག་ལེན་འཁེལ་བསྡད་མཇུག་སྐྱོང་ཞུ་ཕྱོགས་ཇི་དགེའི་སྐོར།

གྲོད་ཆོད།
བོད་ཀྱི་གཞོན་ནུ་ལྷན་ཚོགས་ཀྱི་འགན་འཛིན་ལྷན་ཚོགས་ཐེངས་ ༤༠ པའི་གྲོས་གཞི་དོན་ཚན་གསུམ་པ་ཀ་པའི་གྲོས་ཆོད་ཨང་གཉིས་པ། གྲོས་གཞི་དོན་ཚན་དྲུག་པ་ཁ་པའི་གྲོས་ཆོད་ཨང་གཉིས་པ། གྲོས་གཞི་དོན་ཚན་བདུན་པ་ཀ་པའི་གྲོས་ཆོད་ཨང་གསུམ་པ། དེ་གཞིན་འགན་ལྷན་ཐེངས་ ༤༢ པའི་གྲོས་གཞི་དོན་ཚན་གསུམ་པའི་ཀ་པའི་གྲོས་ཆོད་ཨང་དང་པོ། གྲོས་གཞི་དོན་ཚན་བཞི་པའི་གྲོས་ཆོད་གཉིས་པ་། གཞོན་ལྷན་འགན་ལྷན་ཐེངས་ ༤༣ གྲོས་གཞི་དོན་ཚན་ལྔ་པའི་གྲོས་ཆོད་ཨང་དང་པོ། གྲོས་གཞི་དོན་ཚན་ལྔ་པའི་གྲོས་ཆོད་ཨང་གསུམ་པ། གྲོས་གཞི་དོན་ཚན་བདུན་པའི་གྲོས་ཆོད་ཨང་གཉིས་པ་བཅས་མཇུག་སྐྱོང་ཞུ་རྒྱུ།

གྲོས་གཞི་དོན་ཚན་གསུམ་པ།
བོད་ཀྱི་གཞོན་ནུ་ལྷན་ཚོགས་ཀྱི་དམིགས་ཡུལ་དང་འབྲེལ་བའི་ཆབ་སྲིད་ལས་འགུལ་སྤེལ་ཕྱོགས་ཇི་དགེའི་སྐོར།
ཀ༽ བོད་དེ་རང་བཙན་གྱི་རྒྱལ་ཁབ་ཅིག་ཡིན་པའི་དངོས་ཡོད་ཀྱི་ལོ་རྒྱུས་དག་བོད་མི་དང་རྒྱལ་སྤྱིའི་མི་མང། ལྷག་པར་དུ་རྒྱལ་སྤྱིའི་མཐོ་སློབ་ཁག་གི་སློབ་མ་ནས་མཁྱེན་རྟོགས་ཆེད་ལས་འགུལ་སྤེལ་ཕྱོགས་ཇི་དགེའི་སྐོར།
གྲོས་ཆོད།
༡༽ བོད་རང་བཙན་གཙང་མ་ཡིན་པའི་ཁུངས་སྐྱེལ་ར་སྤྲོད་ཀྱི་དཔེ་དེབ་ཅིག་སྐད་ཡིག་འདྲ་མིན་ནང་ཕབ་བསྒྱུར་གྱིས་རྒྱལ་སྤྱིའི་མཐོ་སློབ་ཁག་དང་སློབ་གྲྭ་ཁག དེ་བཞིན་རྒྱལ་ཁབ་ཁག་གི་གཞུང་ཚབ་དང་ལོ་རྒྱུས་ཉམས་ཞིབ་པ་རྣམས་ལ་འགྲེམ་སྤེལ་རྒྱ་ཆེར་ཞུ་རྒྱུ།
༢༽ འདས་པའི་ལོ་རྒྱུས་ནང་བོད་ཀྱི་གཞོན་ནུ་ལྷན་ཚོགས་ཀྱིས་གཞི་རྒྱ་ཆེ་བའི་ལས་འགུལ་སྣ་མང་ཞིག་སྤེལ་ཡོད་པ་དེས། རྒྱལ་སྤྱིའི་མི་མང་ལ་བོད་དོན་གོ་རྟོགས་ཤུགས་ཆེར་སྤེལ་ཐུབ་ཡོད་པས། ད་ལན་སླར་ཡང་གཞི་རྒྱ་ཆེ་བའི་ལས་འགུལ་ཞིག་སྤེལ་རྒྱུ།
༣༽ གཞོན་ལྷན་ཚོགས་མི་རྣམས་ནས་དུས་རྒྱུན་དུ་སྤྱི་ཚོགས་དྲ་རྒྱའི་བརྒྱུད་ལམ་ཁག་ཏུ་བོད་ཀྱི་བདེན་དོན་ལོ་རྒྱུས་བརྒྱུད་བསྒྲགས་ཤུགས་ཆེར་བྱ་རྒྱུ།

ཁ༽ བོད་ནང་གི་ཛ་དྲག་གི་གནས་སྟངས་དང་། དེ་བཞིན་བོད་ཀྱི་བདེན་དོན་འཐབ་རྩོད་ལ་མཉམ་འབྲེལ་རྒྱལ་ཚོགས་ཀྱིས་གཙོས་པའི་རྒྱལ་སྤྱིའི་ཚོགས་པ་ཁག གཞན་ཡང་འཛམ་གླིང་རྒྱལ་ཁབ་ཁག་གི་གྲོས་ཚོགས་དང། མི་མང་བཅས་ནས་རྒྱབ་སྐྱོར་ཡོང་ཐབས་སུ་ལས་འགུལ་སྤེལ་ཕྱོགས་ཇི་དགེའི་སྐོར།

གྲོས་ཆོད།
༡༽ བོད་ཀྱི་དངོས་ཡོད་ཛ་དྲག་གི་གནས་སྟངས་ཐོག་རྒྱལ་སྤྱིའི་མཉམ་འབྲེལ་རྒྱལ་ཚོགས་ཀྱིས་གཙོས་འགྲོ་བ་མིའི་ཐོབ་ཐང་ལྷན་ཁང་དང། འབྲེལ་ཡོད་ཚོགས་སྡེ་ཁག དེ་བཞིན་རྒྱལ་ཁབ་སོ་སོའི་དབུས་གཞུང་དང་། མངའ་སྡེ་གཞུང་སོ་སོར་སྤྱི་ཁྱབ་དབུས་རྒྱུན་ལས་ནས་སྣེ་ཁྲིད་ཀྱིས་ཁྱབ་ཁོངས་ས་གཞོན་རྒྱུན་ལས་དང་ལྷན་དུ་ཞུ་གཏུགས་ལས་འགུལ་སྤེལ་རྒྱུ།
༢༽ རྒྱ་གར་གྱིས་གཙོས་ཕྱི་རྒྱལ་གྱི་མཐོ་སློབ་ཁག་གི་སློབ་མར་བོད་ཀྱི་དངོས་ཡོད་གནས་སྟངས་དང་རྒྱ་དམར་གཞུང་གིས་ཁྱིམ་མཚེས་རྒྱལ་ཁབ་ཁག་ལ་ས་མཚམས་ཀྱི་དཀའ་ངལ་བཟོ་བ་སོགས་གླེང་སློང་གིས་བོད་རང་བཙན་གྱི་གནད་དོན་དེ་རྒྱ་གར་གྱི་བདེ་འཇགས་ཙམ་མ་ཟད། ཨེ་ཤེ་ཡ་ཁྱོན་ཡོངས་ཀྱི་ཞི་བདེ་ལ་འབྲེལ་བ་ཤུགས་ཆེན་ཡོད་པའི་གོ་རྟོགས་རྒྱ་ཆེར་སྤེལ་རྒྱུ།
༣༽ གཞོན་ལྷན་སྤྱི་ཁྱབ་དབུས་རྒྱུན་ལས་ཁང་གི་འགན་འཁུར་འོག་བོད་རིགས་དང། རྒྱལ་སྤྱིའི་བོད་དོན་རྒྱབ་སྐྱོར་བ་ཚོའི་བོད་འབྲེལ་རྩོམ་ཡིག་ཁག་ཕྱོགས་སྒྲིག་དང། བོད་བསྒྱུར་བྱས་ནས་གང་མང་ཁྱབ་སྤེལ་བྱ་རྒྱུ།

ག༽རྒྱ་ནག་གཞུང་གི་གདུག་རྩུབ་ཅན་གྱི་སྲིད་ཇུས་འོག་དངོས་ཤུགས་བརྒྱུད་གསུམ་ནས་གནོན་ཤུགས་དང་དཀའ་ངལ་མྱོང་བཞིན་པའི་རྒྱལ་ཁབ་དང་མི་རིགས་ཁག་དང་ལྷན་མཐུན་ཕྱོགས་ཀྱི་ལས་འགུལ་སྤེལ་ཕྱོགས་ཇི་དགེའི་སྐོར།
གྲོས་ཆོད།
༡༽ ལྷོ་ཨེ་ཤེ་ཡའི་རྒྱ་མཚོའི་ས་མཚམས་ཀྱི་ཐོག་རྒྱ་ནག་གི་ཧམ་བཟུང་ལ་རྩོད་གླེང་གི་གནད་དོན་ཡོད་པའི་ཝི་ཏི་ནམ་དང། ཉི་ཧོང། ཕིན་ལི་ཕིན་སོགས་ཀྱི་གཞོན་ནུའི་ཚོགས་པ་ཁག་ལ་དབུས་གཞོན་ལྷན་ནས་འབྲེལ་ལམ་གསར་འཛུགས་ཀྱིས་མཉམ་རུབ་ཐོག་འཚེ་བ་མེད་པའི་མཐུན་ཕྱོགས་ཀྱི་ལས་འགུལ་སྤེལ་རྒྱུ།
༢༽ རྒྱ་ནག་དམར་པོའི་གཞུང་གི་དབང་བསྒྱུར་འོག་ལ་གཉའ་གནོན་དང་དཀའ་ངལ་མྱོང་བཞིན་པའི་མང་གཙོ་དོན་གཉེར་ཅན་དང། དེ་བཞིན་ཤར་ཏུར་ཀི་སི་ཐན་དང་ལྷོ་སོག་པོ་བཅས་ཀྱི་རྒྱལ་ཁབ་ཁག་དང་མཉམ་རུབ་ཐོག་རྒྱལ་སྤྱིའི་རང་བཞིན་གྱི་ཚོགས་འདུ་ཞིག་གཞོན་ལྷན་སྤྱི་ཁྱབ་དབུས་རྒྱུན་ལས་ཁང་གིས་སྐོང་ཚོགས་ཞུ་རྒྱུ།

ང༽ རྒྱ་ནག་གཞུང་ནས་བོད་མིའི་བླ་ན་མེད་པའི་དབུ་ཁྲིད་༧སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་ལ་གཞི་མེད་སྐྱོན་འཛུགས་དང་། མི་སེར་སྤེལ་བའི་གདུག་རྩུབ་ཅན་གྱི་སྲིད་ཇུས་འོག་བོད་ཀྱི་སྣོད་བཅུད་གཉིས་ལ་ཚད་ལས་འདས་པའི་གཏོར་བརླག་གཏོང་བཞིན་པར་གདོང་ལེན་བྱེད་ཕྱོགས་ཇི་དགེ་སྐོར།
གྲོས་ཆོད།
༡༽ རྒྱ་དམར་གཞུང་གིས་༸སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་ལ་གཞི་མེད་སྐུར་འདེབས་བྱེད་པའི་གནས་ཚུལ་ཐོན་སྐབས་དབུས་གཞོན་ལྷན་ནས་འཕྲལ་མར་ལན་འདེབས་གནང་དགོས་པ་དང། དེ་དག་ས་རྒྱུན་ཁག་ནས་ཁྱབ་སྤེལ་ཤུགས་ཆེན་གནང་རྒྱུ།
༢༽ རྒྱ་དམར་གཞུང་ནས་བོད་ནང་མི་སེར་སྤེལ་བའི་སྲིད་ཇུས་ལག་བསྟར་བྱས་ནས་རྒྱ་རིགས་འབོར་ཆེན་ཞིག་གནས་སྤོ་བྱས་པ་དང། ལྷག་པར་དུ་མེ་འཁོར་ལྕགས་ལམ་གསར་འཛུགས་བྱས་པ་ནས་བཟུང་བོད་ནང་རྒྱ་རིགས་ཀྱི་གྲངས་འབོར་དེ་ལྡབ་འགྱུར་གྱིས་འཕར་བཞིན་ཡོད་པ་དང། ཞིང་འབྲོག་གྲོང་སྡེ་ཅན་ལ་བསྒྱུར་བའི་སྲིད་ཇུས་འོག་ཞིང་འབྲོག་མང་ཚོགས་ཀྱི་འཚོ་བའི་གནས་སྟངས་ལ་དཀའ་ངལ་འཕྲད་བཞིན་པ། རྩ་ཐང་བཅད་བགོས་ཀྱིས་བོད་མིའི་འཚོ་བའི་གོམས་གཤིས་དང་ཆིག་སྒྲིལ་ལ་དོ་ཕོག་ཆེན་པོ་ཡོང་བཞིན་པ། དེ་བཞིན་གཏེར་ཁ་སྔོག་འདོན་གྱི་ལས་གཞི་རྒྱ་ཆེར་སྤེལ་ནས་ཁོར་ཡུག་ལ་གནོད་སྐྱོན་ཚབས་ཆེན་བཟོ་བཞིན་པའི་དངོས་ཡོད་ཀྱི་ཁུངས་ལྡན་ཡིག་ཆ་རྒྱལ་སྤྱིའི་ནང་འགྲེམས་སྤེལ་བྱ་རྒྱུ།

ཅ༽ ཀུན་གཟིགས་༧པཎ་ཆེན་རིན་པོ་ཆེ་སྐུ་ཕྲེང་བཅིུག་པ་དགེ་འདུན་ཆོས་ཀྱི་ཉི་མ་མཆོག་གིས་གཙོས་པའི་བོད་ནང་གི་ཉེས་མེད་ཆབ་སྲིད་བཙོན་པ་རྣམས་དང། དེ་བཞིན་རྒྱ་གཞུང་གིས་འཛིན་བཟུང་འོག་གར་སོང་ཆ་མེད་དུ་གྱུར་པའི་བོད་མི་རྣམས་གློད་གྲོལ་ཡོང་ཐབས་སུ་ལས་འགུལ་སྤེལ་ཕྱོགས་ཇི་དགེ་སྐོར།
གྲོས་ཆོད།
༡༽ ད་རེས་འགན་ལྷན་འདིིའི་ཐོག་ནས་རྒྱལ་སྤྱིའི་འགྲོ་བ་མིའི་ཐོབ་ཐང་ལྷན་ཚོགས་དང། རྒྱལ་སྤྱིའི་ཉེས་ཡངས་ཚོགས་པར་སྙན་གསེང་ཞུས་ཏེ་༧ཀུན་གཟིགས་དགེ་འདུན་ཆོས་ཀྱི་ཉི་མ་མཆོག་སྐུ་འཚོ་བཞུགས་ཡོད་མེད་ཤེས་རྟོགས་དང་། བོད་ཀྱི་ཉེས་མེད་ཆབ་སྲིད་བཙོན་པ་རྣམས་གང་མགྱོགས་གློད་གྲོལ་ཡོང་ཆེད་རྒྱབ་སྐྱོར་ཡོང་བའི་འབོད་སྐུལ་མུ་མཐུད་ཞུ་རྒྱུ།
༢༽ ༧ཀུན་གཟིགས་པཎ་ཆེན་དགེ་འདུན་ཆོས་ཀྱི་ཉི་མ་མཆོག་གློད་གྲོལ་ཡོང་ཐབས་སུ་འཛམ་གླིང་ཆོས་ལུགས་ཁག་གི་དབུ་ཁྲིད་རྣམས་ནས་རྒྱབ་སྐྱོར་གྱི་ཕྱག་བྲིས་བསྩལ་གནང་ཡོང་བའི་འབོད་སྐུལ་དང། ཕྱག་བྲིས་ཁག་ཕྱོགས་བསྒྲིགས་ཀྱིས་མཉམ་འབྲེལ་རྒྱལ་ཚོགས་དང་འབྲེལ་ཡོད་ཚོགས་སྡེ་ཁག་གིས་ཁོང་གློད་གྲོལ་ཡོང་ཐབས་གཞོན་ལྷན་སྤྱི་ཁྱབ་དབུས་རྒྱུན་ལས་ཁང་ནས་འབད་རྩོན་གནང་དགོས་པའི་འབོད་སྐུལ་ཞུ་རྒྱུ།

གྲོས་གཞི་དོན་ཚན་བཞི་པ།
བོད་ཀྱི་བདེན་དོན་འཐབ་རྩོད་ཆེད་བོད་ཕྱི་ནང་གཉིས་ཀྱི་རྒྱལ་གཅེས་དཔའ་བོ་དཔའ་མོ་རྣམས་ནས་སྐུ་ལུས་མེར་མཆོད་དུ་ཕུལ་མཁན་སོགས་རླབས་ཆེ་བའི་བློས་གཏོང་གི་ལས་འགུལ་བསྟུད་མར་སྤེལ་བཞིན་པའི་དགོས་འདུན་ཁག་སྒྲུབ་ཐབས་སུ་གཞོན་ལྷན་གྱིས་ལས་འགུལ་སྤེལ་ཕྱོགས་ཇི་དགེ་སྐོར།
གྲོས་ཆོད།
༡༽ བོད་ཀྱི་གཞོན་ནུ་ལྷན་ཚོགས་ཀྱི་ངོས་ནས་བོད་བསྟན་སྲིད་ཆེད་སྐུ་ལུས་མེར་བསྲེགས་ཀྱིས་འཚེ་བ་མེད་པའི་ལས་འགུལ་སྤེལ་གནང་མཁན་བོད་ཀྱི་རྒྱལ་གཅེས་དཔའ་བོ་དཔའ་མོ་ཚོའི་ལོ་རྒྱུས་དང་འདྲ་དཔར་སོགས་གསལ་པོར་འཁོད་པའི་དྲ་རྒྱ་ཞིག་སྤྱི་ཁྱབ་དབུས་རྒྱུན་ལས་ཀྱིས་བཟོ་རྒྱུ།
༢༽རྒྱལ་གཅེས་དཔའ་བོ་དཔའ་མོ་ཚོས་སྐུ་ལུས་མེར་སྲེག་གཏོང་བཞིན་པའི་བརྙན་པར་ཇི་ཡོད་ཕྱོགས་བསྡུས་ཀྱིས་འོད་སྡེར་ཞིག་བཟོས་ཏེ་འགྲེམ་སྤེལ་བྱ་རྒྱུ།
༣༽སྐུ་ལུས་མཆོད་མེར་ཕུལ་གནང་མཁན་རྒྱལ་གཅེས་དཔའ་བོ་དཔའ་མོ་ཚོའི་ཞལ་ཆེམས་རྣམས་སྐད་ཡིག་འདྲ་མིན་ནང་ཕབ་བསྒྱུར་གྱིས་ཁོང་རྣམ་པའི་དགོས་འདུན་ཁག་རྒྱལ་སྤྱིའི་སྟེང་མཁྱེན་རྟོགས་ཐུབ་པ་བཟོ་རྒྱུ་དང་། ལྷག་པར་དུ་རྒྱལ་སྤྱིའི་དབུ་ཁྲིད་སོགས་གནད་ཡོད་མི་སྣ་ཁག་དང་མཇལ་འཕྲད་སྐབས་རྒྱལ་གཅེས་དཔའ་བོ་དཔའ་མོ་ཚོའི་ཞལ་ཆེམས་སྤྱན་བསྟར་ཞུས་ཏེ། བོད་ཀྱི་གནད་དོན་ཐོག་རྒྱབ་སྐྱོར་ཡོང་བའི་རེ་སྐུལ་ཞུ་རྒྱུ།

གྲོས་གཞི་དོན་ཚན་ལྔ་པ།
རང་རེའི་མི་རབས་གསར་པ་རྣམས་ནས་བོད་ཀྱི་ཐུན་མོང་མ་ཡིན་པའི་ཆོས་དང་རིག་གཞུང་། སྐད་ཡིག དེ་བཞིན་བོད་མིའི་གཤིས་སྤྱོད་བཟང་པོ་རྣམས་རྒྱུན་གནས་ཐུབ་ཐབས་སུ་གཞོན་ལྷན་ནས་འགན་འཁུར་ཞུ་ཕྱོགས་ཇི་དགེའི་སྐོར།
གྲོས་ཆོད།
༡༽བོད་ཀྱི་སྐད་ཡིག་མི་ཉམས་གོང་འཕེལ་ཐད་སྤྱི་ཁྱབ་དབུས་རྒྱུན་ལས་ཁང་གིས་དེང་སྐབས་སྤྱོད་སྒོ་ཆེ་བའི་ཐ་སྙད་ཁག་བོད་ཡིག་ནང་ཕྱོགས་བསྒྲིགས་ཀྱིས་གྱང་སྦྱར་པར་གཞི་བཟོས་ནས་ས་གཞོན་གྱི་འགན་འཁུར་འོག་བོད་རིགས་གནས་ཁུལ་གྱི་ས་གནས་ཁག་ལ་འགྲེམ་སྤེལ་བྱས་ཏེ་བོད་རིགས་རྒན་གཞོན་བར་གསུམ་ནས་བོད་སྐད་གཙང་མ་བཤད་ཐུབ་པ་ཡོང་ཐབས་ཀྱི་འབད་བརྩོན་བྱེད་རྒྱུ།
༢༽ ས་གཞོན་ཁག་ནས་ཁུངས་སོ་སོའི་གཞིས་ཆགས་ནང་གི་ཕྲུ་གུ་ཚོས་བོད་ཀྱི་སྐད་ཡིག་ཐོག་དོ་སྣང་སླེབས་ཐབས་སུ་ནུས་པ་འདོན་དགོས་པ་དང་། སྐད་ཡིག་སློབ་གསོའི་ཐད་ས་གཞོན་ཁག་གིས་ལས་བསྡོམས་སྙན་ཐོ་ཞིག་འགན་ལྷན་ཐེངས་༤༦ ཐོག་འཁྱེར་རྒྱུ་ཡོད་པ་ཞིག་གནང་དགོས།
༣༽བོད་ཀྱི་སྐད་ཡིག་སྲུང་སྐྱོབ་ཆེད་ལོ་ལྟར་རྒྱ་བལ་འབྲུག་གསུམ་ནང་གི་འཛིན་རིམ་བཅུ་གཉིས་ཀྱི་བོད་ཡིག་ཡིག་རྒྱུགས་ཨང་དང་པོ་ལོན་མཁན་གྱི་བོད་རིགས་སློབ་མར་བོད་ཀྱི་གཞོན་ནུ་ལྷན་ཚོགས་ངོས་ནས་དམིགས་བསལ་བྱ་དགའ་ཞིག་སྤྲོད་རྒྱུ།

གྲོས་གཞི་དོན་ཚན་དྲུག་པ།
༧སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གི་སྐུ་ཕྱྭའི་ཐོག་འགན་འཁུར་ཞུ་ཕྱོགས།
ཀ༽ བོད་རྒྱལ་ཁབ་ཆེན་པོའི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གི་སྐུ་ཕྱྭའི་ཉེན་སྲུང་ཐད་གཞོན་ལྷན་ནས་དམིགས་བསལ་འགན་འཁུར་ཞུ་ཕྱོགས་ཇི་དགེའི་སྐོར།
གྲོས་ཆོད།
༡༽དུས་དང་རྣམ་པ་ཀུན་ཏུ་རང་ཅག་གངས་ཅན་ལྷ་མི་ཀུན་གྱི་འདི་ཕྱི་གཉིས་ཀྱི་སྐྱབས་གནས་མཚུངས་ཟླ་མ་མཆིས་པ་༧སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་གི་སྐུ་ཕྱྭའི་སྲུང་སྐྱོབ་ཐད་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་མི་ཡོངས་ཀྱིས་དུས་ཐོག་འགན་འཁུར་དམ་འཛིན་དགོས་རྒྱུ།
༢༽ ད་རེས་ཀྱི་འགན་འཛིན་ལྷན་ཚོགས་ཐེངས་ཞེ་ལྔ་པ་འདིའི་ཐོག ༧སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གི་སྐུ་ཕྱྭའི་སུང་སྐྱོབ་ཐོག་འབྲེལ་ཡོད་རྒྱ་གར་དབུས་སའི་གཞུང་གི་ལས་ཁུངས་ཁག་དང། དབུས་བོད་མིའི་སྒྲིག་འཛུགས་ཀྱི་བདེ་སྲུང་ལས་ཁུངས་ཁག་སོ་སོར་༧སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གི་སྐུ་ཕྱྭའི་སྲུང་སྐྱོབ་ཐོག་འགན་འཁུར་ལྷོད་མེད་གནང་བར་ཐུགས་རྗེ་ཆེ་ཞུ་དང་། སླད་མར་ཡང་སྔར་རྒྱུན་བཞིན་༧སྐུ་ཕྱྭའི་སྲུང་སྐྱོབ་ཐོག་དོ་དམ་ལྷོད་མེད་གནང་སྐྱོང་ཡོང་བའི་ཞུ་སྙན་འབུལ་རྒྱུ།
༣༽དབུས་བོད་མིའི་སྒྲིག་འཛུགས་ཀྱི་བདེ་སྲུང་ལྷན་ཁང་ལ་མ་འོངས་པར་༸གོང་ས་སྐྱབས་མགོན་ཆེན་པོ་མཆོག་གིས་༧དཔལ་དུས་ཀྱི་འཁོར་ལོའི་དབང་ཆེན་སོགས་མི་མང་འདུ་འཛོམས་ཆེ་བའི་གསུང་ཆོས་གལ་ཆེའི་རིགས་གནང་སྐབས་བོད་ཀྱི་གཞོན་ནུ་ལྷན་ཚོགས་ཀྱི་ངོས་ནས་༧སྐུ་ཕྱའི་སྲུང་སྐྱོབ་ཐོག་ཕྱག་རོགས་དང་། སྤྱི་ཚོགས་ཞབས་ཞུ་སོགས་ལྷག་བསམ་གཡོ་བ་མེད་པའི་ཐོག་ནས་སྔར་ལམ་བཞིན་ཞུ་རྒྱུ་ལགས་ན་དེ་དོན་དགོངས་བཞེས་ཀྱིས་དགོས་མཁོ་ནམ་བྱུང་ལ་གོ་སྐབས་གནང་སྐྱོང་ཡོང་བའི་ཞུ་སྙན་འབུལ་རྒྱུ།
༤༽ སྤྱི་ལོ་ ༢༠༡༥ ལོར་རང་ཅག་གི་བླ་ན་མེད་པའི་དབུ་ཁྲིད་༧སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་དགུང་གྲངས་བརྒྱད་ཅུར་ཕེབས་པའི་དུས་བཟང་དང་བསྟུན་བོད་ཀྱི་གཞོན་ནུ་ལྷན་ཚོགས་ཀྱི་ངོས་ནས་༸གོང་ས་མཆོག་ལ་བརྟན་བཞུགས་རྒྱས་པ་ཞིག་འབུལ་རྒྱུའི་གསོལ་འདེབས་ཞུ་རྒྱུ།

ཁ༽ དོལ་རྒྱལ་རྗེས་འབྲང་པ་ཉུང་ཤས་ནས་བོད་མིའི་འདི་ཕྱི་གཉིས་ཀྱི་སྐྱབས་གནས་༧སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་ལ་གཞི་མེད་སྒྲོ་འདོགས་ཀྱི་སྐུར་འདེབས་བྱེད་བཞིན་པར་གཞོན་ལྷན་ནས་གདོང་ལེན་ཞུ་ཕྱོགས་ཇི་དགེའི་སྐོར།

གྲོས་ཆོད།
༡༽བོད་ཀྱི་གཞོན་ནུ་ལྷན་ཚོགས་སྤྱི་ཁྱབ་དབུས་རྒྱུན་ལས་རྣམས་ས་གནས་ཁག་ལ་འཚམས་གཟིགས་གནང་སྐབས་ངེས་པར་དུ་དོལ་རྒྱལ་གནད་དོན་ཐོག་ས་གནས་མང་ཚོགས་དང། ལྷག་པར་གཞོན་སྐྱེས་རྣམས་ལ་ངོ་སྤྲོད་གསལ་བཤད་གནང་རྒྱུ།
༢༽ད་རེས་བོད་ཀྱི་གཞོན་ནུ་ལྷན་ཚོགས་ཀྱི་འགན་འཛིན་ལྷན་ཚོགས་འདིའི་ཐོག དོལ་རྒྱལ་སྐོར་ལ་བོད་མི་མང་སྤྱི་འཐུས་གྲོས་ཚོགས་ཀྱིས་བཞག་པའི་གྲོས་ཆོད་ཁག་ལ་རྒྱབ་སྐྱོར་ཞུ་རྒྱུ་དང་། དེ་བཞིན་གཞོན་ལྷན་དབུས་སའི་རྒྱུན་ལས་གཙོས་པའི་ཚོགས་མི་ཡོངས་ནས་བོད་ཀྱི་གཞོན་ནུ་ལྷན་ཚོགས་ཀྱིས་ཕྱི་ལོ་ ༡༩༩༦ ནས་བཟུང་སྔ་ཕྱི་རིམ་པར་བཞག་པའི་དོལ་རྒྱལ་སྐོར་གྱི་གྲོས་ཆོད་ཁག་ལག་བསྟར་མུ་མཐུད་བྱ་རྒྱུ།

གྲོས་གཞི་དོན་ཚན་བདུན་པ།
བོད་ཀྱི་གཞོན་ནུ་ལྷན་ཚོགས་ཀྱི་དབུས་སའི་སྒྲིག་འཛུགས་སྲ་བརྟན་དང་། ལས་དོན་བྱེད་ཕྱོགས། དེ་བཞིན་འབྲེལ་ལམ་ཡར་རྒྱས་ཚགས་ཚུད་གོང་འཕེལ་གཏོང་ཕྱོགས་ཇི་དགེའི་སྐོར།
གྲོས་ཆོད།
༡༽གཞོན་ལྷན་དབུས་སྤྱི་ཁྱབ་རྒྱུན་ལས་ནས་ས་གནས་ཁག་བརྒྱད་ལ་དུས་ཡུན་ལོ་གཅིག་རིང་འགྲིག་ཆགས་ཡོང་ཐབས་ཀྱི་འབད་རྩོལ་རིམ་པར་བྱས་ཀྱང་དོན་འབྲས་མ་གསོན་སྟབས། ད་ཐེངས་འགན་འཛིན་ལྷན་ཚོགས་འདིའི་ཐོག་ནས་ལྷོ་ཕྱོགས་ཀྱིས་གཙོས་པའི་ས་གནས་ཁག་བརྒྱད་ཀྱི་རྒྱུན་ལས་ཚོས་གཞོན་ལྷན་གྱི་སྒྲིག་གཞིར་རང་འགར་བཟོ་བཅོས་བྱས་པའི་ཐལ་ཆེའི་བྱ་སྤྱོད་དེས་ད་ལྟའི་བོད་ཀྱི་གཞོན་ནུ་ལྷན་ཚོགས་ཀྱི་སྒྲིག་འཛུགས་ལ་རྩིས་མེད་བཏང་བ་མ་ཟད་། ལོ་ངོ་ ༤༥རིང་བོད་བསྟན་སྲིད་ཆེད་ཞབས་འདེགས་ཞུས་དང་ཞུ་བཞིན་པའི་བོད་ཀྱི་གཞོན་ནུ་ལྷན་ཚོགས་ཀྱི་སྒྲིག་འཛུགས་འདི་གཏོར་བཤིག་གཏོང་བའི་བྱ་སྤྱོད་ཅིག་ལ་འགན་ལྷན་འདིའི་ཐོག་ནས་ངོས་འཛིན་ཞུ་རྒྱུ།
༢༽ སྦེལ་ཀོབ་ས་གནས་གཞོན་ལྷན་དང་། ཧོན་སུར་ས་གནས་གཞོན་ལྷན། ཀོ་ལི་ཀལ་ས་གནས་གཞོན་ལྷན། མོན་གྷོ་ས་གནས་གཞོན་ལྷན། སྦེང་ལོར་ས་གནས་གཞོན་ལྷན། ཌལ་ཧོར་ས་གནས་གཞོན་ལྷན། ལ་དྭགས་སླེ་ས་གནས་གཞོན་ལྷན། སྤོན་ཊོ་ས་གནས་གཞོན་ལྷན་བཅས་ས་གནས་ཁག་བརྒྱད་ཀྱི་རྒྱུན་ལས་རྣམས་ནས་བོད་ཀྱི་བདེན་དོན་འཐབ་རྩོད་ཀྱི་ལོ་རྒྱུས་ནང་གལ་གནད་ཆེ་བའི་བོད་ཀྱི་གཞོན་ནུ་ལྷན་ཚོགས་ཀྱི་སྒྲིག་འཛུགས་དང་མང་གཙོའི་ལམ་ལུགས་ལ་རྩིས་མེད་རྡོག་རོལ་བཏང་སྟེ་གཞོན་ལྷན་གྱི་དམིགས་ཡུལ་སྒྲིག་གཞིར་རང་དགར་བཟོ་བཅོས་བྱས་པ་མ་ཟད། ས་གནས་གཞོན་ལྷན་གྱི་མཚན་བྱང་དང་བོད་ཀྱི་གཞོན་ལྷན་གྱི་ངོ་སྤྲོད་ལག་འཁྱེར་ཡང་གསར་བཟོ་བྱས་པ་དེ་ནི་བོད་ཀྱི་གཞོན་ནུ་ལྷན་ཚོགས་ཀྱི་སྒྲིག་གཞི་དང་ཡོངས་སུ་འགལ་བའི་ཐལ་ཆེའི་ཐག་གཅོད་གཅིག་ཡིན་པ་མ་ཟད། བཟང་སྤྱོད་དང་འགལ་བའི་ཚབས་ཆེའི་ལས་དོན་ཞིག་ཡིན་པས་ད་ཐེངས་བོད་ཀྱི་གཞོན་ནུ་ལྷན་ཚོགས་ཀྱི་འགན་འཛིན་ལྷན་ཚོགས་འདིའི་ཐོག་ནས་སྐབས་དེའི་ཐལ་ཆེའི་ཐག་གཅོད་གནང་མཁན་གྱི་ས་གནས་ཁག་བརྒྱད་ཀྱི་རྒྱུན་ལས་རྣམས་ད་ནས་བཟུང་གཞོན་ལྷན་ཚོགས་མི་ཡིན་པར་ངོས་ལེན་མེད་པའི་ཐག་གཅོད་བྱ་རྒྱུ།
༣༽ ད་རེས་འགན་ལྷན་འདིའི་ཐོག་ནས་ས་གནས་ཁག་བརྒྱད་ཀྱི་རྒྱུན་ལས་གསར་པ་དང་ཚོགས་མི་ཚོས་བོད་ཀྱི་གཞོན་ནུ་ལྷན་ཚོགས་ཀྱི་ཁྱབ་ཁོངས་འོག་གཞོན་ལྷན་གྱི་སྒྲིག་གཞིར་རྩ་འཛིན་གྱིས་བོད་བསྟན་སྲིད་མི་རིགས་དང་བཅས་པར་སྨན་པའི་ལས་དོན་རྒྱུན་སྐྱོང་གནང་རྒྱུའི་འབོད་སྐུལ་ཞུ་བ་དང་ཆབས་ཅིག མ་འོངས་པར་ས་གནས་ཁག་བརྒྱད་ཀྱི་གནད་དོན་ཐོག་ཐག་གཅོད་ཅི་ཞིག་གནང་དགོས་ཀྱང་གནང་ཆོག་པའི་དབང་ཚད་ཆ་ཚང་དབུས་སྤྱི་ཁྱབ་རྒྱུན་ལས་ལ་འགན་ལྷན་འདིའི་ཐོག་ནས་ཕུལ་བ་ཡིན།

༤༽ སྤྱི་ཚོགས་ནང་དངོས་ཡོད་གནས་ཚུལ་མཁྱེན་རྟོགས་མེད་པའི་དབང་གིས་གཞོན་ལྷན་སྒྲིག་འཛུགས་ལ་མཐོང་ཚུལ་ཡོང་བཞིན་པར་དབུས་སའི་རྒྱུན་ལས་ནས་འགན་འཁུར་གྱིས་གཞོན་ལྷན་གྱི་དམིགས་ཡུལ་དང་ལས་དོན་བྱེད་ཕྱོགས་མི་མང་ལ་གསལ་བཤད་དགོས་རྒྱུ།

༥༽བོད་ཀྱི་བདེན་དོན་འཐབ་རྩོད་ཆེད་གཞོན་ལྷན་གྱི་སྒྲིག་འཛུགས་འདི་བཞིན་སྲ་བརྟན་ཡོང་ཐབས་སུ་དབུས་གཞོན་ལྷན་ནས་སྣེ་ཁྲིད་གནང་བའི་ལས་འགུལ་ཁག་ལ་ས་གནས་གཞོན་ལྷན་ཁག་གིས་ངེས་པར་དུ་འཕྱར་གྲུ་མཉམ་འདེགས་ཞུ་རྒྱུ།

གྲོས་གཞི་དོན་ཚན་བརྒྱད་པ།
སྤྱི་སྨན་དགོངས་འཆར།

གྲོས་ཆོད།
༡༽ བོད་ཀྱི་གཞོན་ནུ་ལྷན་ཚོགས་སྤྱི་ཁྱབ་དབུས་རྒྱུན་ལས་ཀྱི་སྣེ་ཁྲིད་འགན་འཁུར་འོག་ས་གནས་བོད་ཀྱི་གཞོན་ནུ་ལྷན་ཚོགས་ཁག་དང་མཉམ་རུབ་ཀྱིས་གཞོན་ནུའི་བོད་ཀྱི་དུས་སྟོན་ཞིག་གོ་སྒྲིག་ཞུ་རྒྱུ།
༢༽ གཞོན་ལྷན་གྱི་ཚོགས་དངུལ་ལོ་རེར་ཧིན་སྒོར་ ༡༥ འབུལ་བཞིན་ཡོད་པ་དེ་སྤར་ཆ་བྱས་ནས་ལོ་རེར་ཁྱོན་ཚོགས་དངུལ་ཧིན་སྒོར་ ༢༥ འབུལ་རྒྱུ་དང། དེ་བཞིན་ཟས་བཅད་དོད་དེ་ཡང་ལོ་རེར་ཧིན་སྒོར་ ༡༥ འབུལ་བཞིན་ཡོད་པ་དེ་སྤར་ཆ་བྱས་ནས་ལོ་རེར་ཟས་བཅད་དོད་ཧིན་སྒོར་ ༢༥ འབུལ་རྒྱུ།
ཞེས་བོད་རྒྱལ་ལོ་ ༢༡༤༡ སྤྱི་ལོ་ ༢༠༡༤ ཟླ་བ་ ༨ ཚེས་ ༡༦ ལ།

ཚོགས་འདུའི་གཙོ་སྐྱོང་སྤྱི་ཁྱབ་ཚོགས་གཙོ་བསྟན་འཛིན་འཇིགས་མེད།

༄༅། །བོད་ཀྱི་གཞོན་ནུ་ལྷན་ཚོགས་དབུ་བརྙེས་ནས་མི་ལོ་༤༥འཁོར་བའི་དུས་ཚིགས་ཁྱད་པར་ཅན་གྱི་ཉིན་མོ་འདིར། བོད་ཀྱི་གཞོན་ནུ་ལྷན་ཚོགས་ཀྱི་སྐབས་༡༥པའི་སྤྱི་ཁྱབ་དབུས་རྒྱུན་ལས་ཁང་ནས་གཞོན་ལྷན་གྱི་ཚོགས་མི་ ༣༥༠༠༠ གི་ཚབ་ཞུས་ནས་རང་ཅག་བོད་གངས་ཅན་སྐྱེ་འགྲོ་ཀུན་གྱི་སྐྱབས་གནས་འཛམ་གླིང་ཞི་བདེའི་དེད་དཔོན་༧སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་ལ་དད་གུས་གཡོ་བ་མེད་པའི་གུས་ཕྱག་དང་བཅས་ཏེ་བཀའ་དྲིན་རྗེས་དྲན་དང་། མི་ལོ་ ༦༥ རིང་བོད་རྒྱལ་ཁབ་དང་མི་རིགས་ཀྱི་ཆེད་དུ་ལུས་སྲོག་ལོངས་སྤྱོད་དང་བཅས་པ་བློས་གཏོང་གནང་མཁན་གྱི་རྒྱལ་གཅེས་དཔའ་བོ་དཔའ་མོ་རྣམས་ཀྱི་སྙིང་སྟོབས་དང་མཛད་རྗེས་ལ་གོང་བཀུར་ཡིད་རང་དང་འབྲེལ། ཤ་རུས་གདུང་རྒྱུད་གཅིག་པའི་གཞིས་བྱེས་སྤུན་ཟླ་ཡོངས་ལ་བཅོས་མིན་གྱི་འཚམས་འདྲི་ཞུ་རྒྱུ་ཡིན།

སྤྱི་ལོ་ ༡༩༧༠ ཟླ་བ་ ༡༠ ཚེས་ ༧ ཉིན་རིགས་གཞེན་དང་ལ་རྒྱའི་གསོན་ཤུགས་ལྡན་པའི་བྱེས་གྱར་བོད་རིགས་གཞོན་སྐྱེས་རྣམས་ཀྱིས་རྒྱ་དམར་གྱི་ཧམ་བཟུང་བྱས་པའི་བོད་མི་རིགས་ཀྱི་ཕ་ས་དང་ཕ་གཞིས་དེའི་ཆེད་དུ་གཞིས་བྱེས་རྒྱ་ཆེའི་མི་མང་ནས་བོད་རང་བཙན་གྱི་ཆེད་དུ་དགྲ་བོ་རྒྱ་དམར་ལ་རྒོལ་འཛིང་དང་གདོང་ལེན་གྱི་ལས་འགུལ་སྤེལ་བཞིན་པ་དེ་དག་གི་བསམ་འདུན་སྒྲུབ་ཆེད་དུ་དཀའ་ངལ་ཐ་དག་ལ་གདོང་ལེན་གྱིས་རང་སྲོག་ཚུན་ལའང་ལྟོས་མེད་ཀྱིས་མདུན་སྐྱོད་བྱ་རྒྱུ་ཡིན་ཅེས་པའི་འགྱུར་མེད་ཀྱི་དམ་བཅའ་ཞིག་སྙིང་ཁོངས་སུ་བཅུག་ནས་བོད་ཀྱི་གཞོན་ནུ་ལྷན་ཚོགས་འདི་བཞིན་དངོས་སུ་དབུ་འཛུགས་གནང་བ་མ་ཟད། རང་ཅག་གི་བླ་ན་མེད་པའི་དབུ་ཁྲིད་འཛམ་གླིང་ཞི་བདེའི་དེེད་དཔོན་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་ཀྱང་ཚོགས་ཆེན་ཐོག་སྔ་རྗེས་སུ་ཐེངས་གསུམ་ལ་ཞབས་གསོར་འཁོད་ནས་ཚོགས་བཅར་བ་བོད་རིགས་གཞོན་སྐྱེས་རྣམས་ལ་ ༼ དཀའ་ངལ་གང་འདྲ་ཞིག་འཕྲད་ཀྱང་ལྷག་བསམ་དེ་རི་བཙུགས་པ་ནང་བཞིན་འགྱུར་བ་མེད་པའི་ཐོག་ལ་མདུན་ནས་མདུན་དུ་འགྲོ་ཐུབ་པ་ཞིག་དགོས། ༽ ཅེས་འཐབ་རྩོད་ཀྱི་བླ་སྲོག་ལྟ་བུའི་བཀའ་སློབ་ཟབ་མོ་ཕེབས་དོན་ལྟར་ད་བར་ལོ་ངོ་ ༤༥ ཡི་རིང་བོད་རྒྱལ་ཁབ་ཀྱི་བདག་དབང་སླར་གསོ་དང། བོད་མི་རིགས་ཀྱི་ངོ་བོ་གསོན་གནས་ཐུབ་ཐབས། དེ་བཞིན་བོད་ཀྱི་ཐུན་མིན་སྐད་ཡིག་རིག་གཞུང་དང་བཅས་པ་སྲུང་སྐྱོབ་སོགས་ཀྱི་ཆེད་དུ་རྒྱལ་སྤྱིའི་ཁྱོན་ཡོངས་སུ་བོད་དོན་ལས་འགུལ་སྣ་མང་སྤེལ་ཐུབ་པ་བྱུང་བ་མ་ཟད། བོད་དོན་དྲིལ་བསྒྲགས་ཤུགས་ཆེར་སྤེལ་ཐུབ་པ་བྱུང་བ་དེས་བོད་ཀྱི་བདེན་དོན་འཐབ་རྩོད་ཀྱི་ལོ་རྒྱུས་ནང་ཕན་ནུས་མི་དམན་པ་ཐོན་ཐུབ་པ་བྱུང་ཡོད།

དེ་ཡང་གཙོ་བོར་རང་ཅག་གི་བླ་ན་མེད་པའི་དབུ་ཁྲིད་༧སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གི་བཀའ་དྲིན་ཉག་གཅིག་དང་། དེ་བཞིན་གཞིས་བྱེས་བོད་མིའི་ཡིད་ཆེས་དང་རྒྱབ་སྐྱོར། རྒྱས་གཅེས་དཔའ་བོ་དཔའ་མོ་ཚོའི་བློས་གཏོང་དང་སྙིང་སྟོབས། ལྷག་བསམ་དང་ཤེས་འཇོན་གཉིས་ལྡན་གྱི་གཞོན་ལྷན་དབུས་སའི་རྒྱུན་ལས་ཟུར་པ་དང་ཚོགས་མི་རྣམས་པའི་དཀའ་སྤྱད་འབད་བརྩོན་སོགས་ལ་བརྟེན་ནས་བྱུང་བ་ཞིག་ཡིན།

ཉེ་ཆར་སྤྱི་ལོ་ ༢༠༡༤ ཟླ་བ་ ༨ ཚེས་ ༡༢ དང་ ༡༣ ཉིན་གཉིས་རིང་རྒྱ་ནག་རྒྱལ་སྲིད་སྤྱི་ཁྱབ་ཁང་གསར་འགྱུར་གཞུང་ལས་ཁང་དང་། བོད་རང་སྐྱོང་ལྗོངས་མི་དམངས་སྲིད་གཞུང་གིས་ཐུན་མོང་ཐོག་ཀྲུང་གོའི་བོད་ལྗོངས་གོང་འཕེལ་གླེང་སྟེགས་ཞེས་པའི་ཚོགས་འདུ་ཞིག་ལྷ་སར་ཚོགས་པ་དང། ཚོགས་ཐོག་ཏུ་རྒྱལ་ཁབ་ ༣༠ ལྷག་གི་མི་གྲངས་ ༡༠༠ ལྷག་འདུ་འགུགས་ཀྱིས་བོད་ཀྱི་གོང་འཕེལ་དང་། བོད་ཀྱི་རིག་གནས་རྒྱུད་འཛིན་དང་སྲུང་སྐྱོབ། བོད་ཀྱི་ཁོར་ཡུག་སྲུང་སྐྱོབ་བཅས་ཀྱི་ཐོག་དོན་དངོས་དང་འགལ་བའི་དྲིལ་བསྒྲགས་བྱས་ཏེ་ཕྱི་རྒྱལ་གྱི་མི་མང་ཁག་ལ་བོད་ནང་དཔལ་འབྱོར་དང། སློབ་གསོ། འཕྲོད་བསྟེན་བཅས་ལ་ཡར་རྒྱས་ཆེན་པོ་ཕྱིན་ཡོད་པ་དང། བོད་ཀྱི་རང་བྱུང་འཁོར་ཡུག་གསོན་གནས་ཐོག་བོད་མི་རྣམས་བདེ་སྐྱིད་ཀྱི་འཚོ་བ་ལ་རོལ་བཞིན་ཡོད་པ་སོགས་ཀྱི་ངོས་འཛིན་དང་སྣང་སྙན་ཞིག་སྐྲུན་ཐབས་བྱས་ཡོད།

དོན་དངོས་ཐོག་འཛམ་གླིང་གི་ཡང་རྩེར་གྲགས་པའི་ཆོས་ལྡན་ཁ་བ་ཅན་གྱི་ཞིང་དེ་རྒྱ་དམར་གྱིས་བཙན་པོས་དབང་བསྒྱུར་བྱས་པ་ནས་བཟུང་ད་བར་མི་ལོ་༥༥ ལྷག་སོང་བའི་རིང་དགྲ་བོའི་དབང་བསྒྱུར་དང་བཙན་གནོན་འོག་གཞིས་ལུས་བོད་མིའི་ཛ་དྲག་གི་གནས་སྟངས་ལ་བཟང་ཕྱོགས་ཀྱི་འགྱུར་བ་རྩ་བ་ནས་ཕྱིན་མེད་པ་མ་ཟད།   རྒྱ་དམར་གཞུང་གིས་བོད་ཀྱི་ཆོས་དང་རིག་གཞུང་། སྐད་ཡིག་དང་ཡུལ་སྲོལ་གོམས་གཤིས་སོགས་བོད་མི་རིགས་ཀྱི་ངོ་བོ་རྩ་བརླགས་ཏུ་གཏོང་ཆེད་མི་སེར་སྤེལ་བའི་ཕུག་ངན་སྲིད་ཇུས་ཀྱི་འོག་གཞིས་ལུས་སྤུན་ཟླ་ཚོའི་གཞི་རྩའི་འགྲོ་བ་མིའི་ཐོབ་ཐང་ལ་རྩིས་མེད་ཀྱིས་ཆོས་དད་རང་དབང་དང་། སྨྲ་བརྗོད་རང་དབང། རྩོམ་འབྲིའི་རང་དབང། ཐ་ན་འགྲོ་འདུག་གི་རང་དབང་སོགས་ཀྱང་མེད་པར་དམ་དྲག་ཤུགས་ཆེར་བྱེད་བཞིན་ཡོད་པ་མ་ཟད།   གཏེར་ཁ་བསྔོགས་འདོན་དང་ཤིང་ནགས་གཅོད་བྲེག་སོགས་ཀྱིས་མཚོན་པའི་བོད་ཀྱི་རང་བྱུང་ཁོར་ཡུག་ལ་ཡང་གཏོར་བརླག་ཚབ་ཆེན་གཏོང་བཞིན་ཡོད་པ་རྒྱལ་སྤྱིའི་འཁོར་ཡུག་དང་འགྲོ་བ་མིའི་ཐོབ་ཐང་གི་སྙན་ཐོར་ཞིབ་པར་གསལ་ཡོད།

བོད་ནང་གཞི་རྩའི་བོད་མིའི་རང་དབང་དང། བོད་ཀྱི་སྐད་ཡིག་རིག་གཞུང་སྨོས་ཅི། ཐ་ན་རང་བྱུང་ཁོར་ཡུག་སྲུང་སྐྱོབ་ཆེད་དུ་སྲིད་གཞུང་ལ་ཞུ་འབོད་བྱེད་མཁན་གྱི་བོད་མི་ཚུན་ཆབ་སྲིད་ཀྱི་ཉེས་མིང་འོག འཇུ། རྡུང། གསོད། གསུམ་གྱི་མནར་གཅོད་གཏོང་བའི་གནས་ཚུལ་བསྟུད་མར་ཐོན་བཞིན་ཡོད།  དཔེ་མཚོན་ཞིག་ཞུས་ན་སྤྱི་ལོ་ ༢༠༡༤ ཟླ་བ་ ༨ ཚེས་ ༡༢ ཉིན་རྒྱ་དམར་གཞུང་གི་དམག་མི་ཚོས་བོད་ཀྱི་ཁམས་སྡེ་དགེའི་མི་དམངས་ཐོག་གང་བྱུང་མེ་མདའ་བརྒྱབ་སྟེ་དྲག་གནོན་བྱས་པའི་ཀླ་གློའི་བྱེད་སྤྱོད་དེ་ནི་རྒྱ་དམར་གཞུང་གིས་བོད་མི་རྣམས་ལ་སྡུག་སྦྱོང་གནར་གཅོད་གཏོང་བའི་མིག་སྔའི་དཔེ་མཚོན་གསར་ཤོས་ཤིག་ཡིན། དེས་ན་བོད་ནང་རྒྱ་དམར་སྲིད་གཞུང་གི་བཙན་གནོན་དང་གཉའ་གནོན་ལ་ངོ་རྒོལ་གྱི་ལས་འགུལ་བསྟུད་མར་ཐོན་བཞིན་ཡོད་པ་དང། ལྷག་པར་སྤྱི་ལོ་ ༢༠༠༩ ལོ་ནས་བཟུང་ད་བར་བོད་མི་ ༡༣༠ ཙམ་གྱིས་རྒྱ་དམར་གྱི་བཙན་གནོན་དང་མཉའ་གནོན་ལ་འ་ཆད་འུ་ཐུག་གིས་རང་ལུས་མེར་བསྲེགས་བཏང་ནས་རྒྱ་གཞུང་ལ་ངོ་རྒོལ་གྱི་ལས་འགུལ་བསྟུད་མར་སྤེལ་ཡོད་པ་འདིའི་འབྱུང་རྩ་ནི་མི་ཆོས་ལས་འདས་པའི་རྒྱ་གཞུང་གི་སྲིད་ཇུས་ངན་པའི་འཇུག་འབྲས་ཡིན་པས། རྒྱལ་སྤྱིའི་རང་དབང་ཅན་གྱི་གསར་འགོད་པ་དང་གནད་དོན་ཉམས་ཞིབ་པ་བོད་ནང་དངོས་ཡོད་ཀྱི་གནས་ཚུལ་རྟོགས་ཞིབ་ཆེད་སྐྱོད་རྒྱུར་རྒྱ་ནག་གཞུང་ནས་ངོས་ལེན་རྩ་བ་ནས་བྱེད་ཐུབ་ཀྱི་མེད།

སྤྱི་ལོ་ ༢༠༡༣ ཟླ་བ་ ༣ ནང་ཞི་ཅིང་ཕིང་རྒྱ་ནག་གི་སྲིད་འཛིན་དུ་བསྐོ་བཞག་བྱས་རྗེས་ཀྱི་ལོ་ངོ་གཅིག་ལྷག་གི་རིང་རྒྱ་དམར་གཞུང་གིས་ལྐོག་ཟ་རུལ་སྲུང་ཐོག་རྒོལ་རྡུང་གཏོང་བའི་རྣམ་པའི་བྱ་འགུལ་ཞིག་སྤེལ་བཞིན་པ་ནི་རྒྱ་ནག་ནང་འགྲོ་བ་མིའི་ཐོབ་ཐང་དང། མང་གཙོ། རང་དབང་སོགས་ཡར་རྒྱས་གཏོང་རྒྱུའི་འཆར་གཞི་ཞིག་མ་ཡིན་པར། དོན་དངོས་ཐོག་བྱ་འགུལ་དེ་ནི་སྒྱེལ་ལ་ཉེ་བའི་རྒྱ་ནག་དམར་ཤོག་གི་སྒྲིག་འཛུགས་སྲ་བརྟན་དང་དབང་ཆ་རྒྱུན་སྐྱོང་ཡོང་ཐབས་ཆེད་རྒྱ་ནག་མི་མང་གིས་དམར་ཤོག་སྲིད་གཞུང་ལ་རེ་བ་དང་ཡིད་ཆེས་གསར་པ་ཞིག་ཡོང་ཆེད་ཀྱི་ཕྱིའི་རྣམ་པ་ཙམ་གྱི་བྱ་འགུལ་ཞིག་ཡིན། དེ་ནི་ཞི་ཅིང་ཕིང་སྲིད་སྟེགས་སུ་བསྐོ་བཞག་བྱས་ནས་ད་བར་སྤྱིར་རྒྱ་ནག་ཡོངས་དང་ལྷག་པར་བོད་ཀྱི་འགྲོ་བ་མིའི་ཐོབ་ཐང་གནས་བབ་ལ་ཡར་རྒྱས་རྩ་བ་ནས་ཕྱིན་མེད་པ་མ་ཟད། དམ་དྲག་ཤུགས་ཇེ་ཆེར་འགྲོ་བཞིན་པའི་གནས་སྟངས་འདིས་ར་སྤྲོད་བྱས་ཡོད།

དེས་ན་ང་ཚོས་བོད་ཀྱི་གནད་དོན་འདི་ཡང་རེ་བ་བཟང་ས་དང་གྲ་སྒྲིག་སྡུག་ས་ནས་ཞེས་པ་ལྟར་ངེས་པར་དུ་ཕྱོགས་གང་ཅིའི་ཐད་ནས་གྲ་སྒྲིག་དང་འཐབ་རྩོད་བྱས་ཏེ་སེལ་དགོས་པ་ལས་རེ་སྒུག་ཁོ་ན་བྱས་ནས་སེལ་ཐབས་མེད་པ་ཤེས་པའི་ཐོག་ནས་ད་ལྟ་གཞིས་ལུས་སྤུན་ཟླའི་སྙིང་སྟོབས་དང། ཆིག་སྒྲིལ།   འགོག་རྒོལ་སོགས་ཀྱི་ནུས་ཤུགས་ཧ་ཅང་གི་ཚད་མཐོར་བསླེབས་པའི་གོ་སྐབས་འདི་དམ་འཛིན་གྱིས་རྒྱལ་སྤྱིིའི་ས་གནས་ཁག་ཏུ་ཡོད་པའི་བོད་རིགས་ཡོངས་ཀྱིས་སྒོ་གང་ས་ནས་བོད་ཀྱི་བདེན་དོན་འཐབ་རྩོད་ཐོག་ཤུགས་སྣོན་རྒྱག་དགོས་པའི་དུས་ལ་བབ་ཡོད།

རྒྱ་གཞུང་གིས་བོད་མིའི་སྤྱི་ཚོགས་ནང་སིམ་འཛུལ་དང་། བོད་རིགས་བསམ་མེད་རེ་བཟུང་རྒྱུ་ནོར་གྱི་སླུ་ཁྲིད་འོག་བེད་སྤྱོད་ཀྱིས་བོད་རིགས་ནང་ཁུལ་གྱི་མཛའ་མཐུན་དང་ཆིག་སྒྲིལ་གཏོར་བཤིག་གཏོང་བའི་བྱ་ངན་སྒོ་གང་ས་ནས་རྩོམ་བཞིན་ཡོད། དེ་ཡང་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་ཕྱི་རྒྱལ་ཁག་ལ་ཆིབས་བསྒྱུར་བསྐྱངས་སྐབས་དོལ་རྒྱལ་རྗེས་འབྲངས་པ་ཉུང་ཤས་ཤིག་ཡོད་པ་དེ་དག་གིས་གཞི་རྩ་གང་ཡང་མེད་པར་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་ལ་མཚན་སྨད་ཞུ་བའི་ལས་ངན་ཇི་སྙེད་གཅིག་རྩོམ་བཞིན་ཡོད་པ་དང། དེ་བཞིན་རྡོ་རྗེ་ཤུགས་ལྡན་བོད་ཀྱི་གཞོན་ནུ་ལྷན་ཚོགས་ཟེར་བ་སོགས་བོད་ཀྱི་གཞོན་ནུ་ལྷན་ཚོགས་ཀྱི་མཚན་བྱང་བེད་སྤྱོད་ལོག་པར་གཏོང་བའི་གནས་ཚུལ་འབྱུང་བཞིན་པ་སོགས་ནི་རྒྱ་དམར་གཞུང་གིས་སྒོ་གང་ས་ནས་དངོས་ཤུགས་བརྒྱུད་གསུམ་གྱིས་བོད་མིའི་སྤྱི་ཚོགས་ནང་དབྱེན་སྦྱོར་དང་དཀྲུགས་ཤིང་གིས་བོད་རིགས་ནང་ཁུལ་གྱི་མཛའ་མཐུན་དང་ཆིག་སྒྲིལ་མེད་པར་བཟོ་ཐབས་དང། བོད་ཀྱི་བདེན་དོན་འཐབ་རྩོད་ཀྱི་ནུས་པ་ཉམས་དམས་སུ་གཏོང་རྒྱུའི་གོ་རིམ་དང་འཆར་གཞི་ལྡན་པའི་ལས་ངན་སྤེལ་བཞིན་ཡོད་པ་རང་རིགས་སེར་སྐྱ་རྒན་གཞོན་བར་གསུམ་གྱིས་ངེས་ཤེས་བརྙེད་པའི་ཐོག་ནས་དུས་དང་རྣམ་པ་ཀུན་ཏུ་གཟབ་ནན་བྱེད་དགོས་པའི་ནན་སྐུལ་ཤུགས་ཆེ་ཞུ་རྒྱུ་ཡིན།

དེ་རིང་བོད་ཀྱི་གཞོན་ནུའི་ལྷན་ཚོགས་དབུ་བརྙེས་པའི་དུས་སྐབས་འདི་དང་སྟབས་བསྟུན་ནས་རྒྱལ་སྤྱིའི་ས་ཕྱོགས་གང་སར་གནས་བའི་བོད་རིགས་གཞོན་སྐྱེས་རྣམས་ལ་ནན་བརྗོད་བྱ་རྒྱུར། བོད་ཀྱི་གཞོན་ནུ་ལྷན་ཚོགས་སྒྲིག་འཛུགས་འདི་ནི་བོད་རིགས་ན་གཞོན་ཡོངས་ཀྱིས་བོད་སྤྱི་པའི་བདེན་དོན་འཐབ་རྩོད་ཆེད་ནུས་པ་གཅིག་ཏུ་སྤུངས་སའི་སྡིང་ཆ་ཞིག་ཏུ་སྤྱི་ལོ་ ༡༩༧༠ ལོར་སྐབས་དེའི་གཞོན་སྐྱེས་ཤེས་ལྡན་པ་ཚོས་དགོས་དམིགས་གལ་ཆེར་གཟིགས་ནས་གསར་འཛུགས་གནང་བ་ལྟར།   ད་ལྟའི་བོད་རིགས་གཞོན་སྐྱེས་ཡོངས་ནས་བོད་བསྟན་སྲིད་ལ་སྨན་པའི་བོད་དོན་ལས་འགུལ་ཁག་གི་ནང་ངེས་པར་དུ་འགན་འཁུར་མཉམ་བཞུགས་དང་སྣེ་ཁྲིད་ཀྱིས་བོད་དོན་ལས་འགུལ་འདི་བཞིན་རྒྱལ་སྤྱིའི་ནང་སྔར་ལས་ལྷག་པའི་སྒོ་ནས་ཚད་གཞི་ཇེ་མཐོར་གཏོང་དགོས་པའི་འབོད་སྐུལ་ཤུགས་དྲག་ཞུ་རྒྱུ་ཡིན།

མཐའ་དོན་བོད་ཀྱི་གཞོན་ནུ་ལྷན་ཚོགས་ཀྱི་ངོས་ནས་གཞོན་ལྷན་རྩ་འཛུགས་ཀྱི་དམིགས་ཡུལ་ལྟར་བོད་རང་བཙན་སླར་གསོའི་འཐབ་རྩོད་གོང་འཕེལ་དང་རྒྱུན་སྐྱོང་བྱ་རྒྱུའི་འབད་བརྩོན་ལྷོད་མེད་བྱ་རྒྱུ་དང་ཆབས་ཅིག རང་ཅག་གི་བླ་ན་མེད་པའི་དབུ་ཁྲིད་༧སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་སྐུ་ཚེ་ཞབས་པད་སྐལ་བརྒྱར་བརྟན་ཅིང་ཐུགས་ཀྱི་བཞེད་དགོངས་མཐའ་དག་ལྷུན་གྱིས་འགྲུབ་པ་དང་། བོད་དོན་བདེན་མཐའ་མྱུར་དུ་སེལ་བའི་སྨོན་འདུན་དང་བཅས།།

བོད་ཀྱི་གཞོན་ནུ་ལྷན་ཚོགས་སྤྱི་ཁྱབ་དབུས་རྒྱུན་ལས་ཁང་ནས་

བོད་རྒྱལ་ལོ་ ༢༡༤༡ སྤྱི་ལོ་ ༢༠༡༤ ཟླ་བ་ ༡༠ ཚེས་ ༧ ཉིན།

On the auspicious occasion of the 45th founding anniversary of Tibetan Youth Congress, on behalf of 35,000 active members of Tibetan Youth Congress, the 15th Central Executive Committee would like to pay our deepest respects to our spiritual leader, His Holiness the Dalai Lama and express our solidarity with all those courageous brothers and sisters who have sacrificed their lives for the cause of Tibet and the Tibetan people for the past 65 years. On this special occasion, we would also like to extend our heartiest greetings to all our Tibetan brothers and sisters living inside Tibet and in the exile diaspora.

Tibetan Youth Congress was founded on October 7, 1970 by young Tibetans in exile as a resistance movement to challenge China’s occupation of Tibet with a pledge to regain the independence of Tibet. Under the guidance of His Holiness the Dalai Lama who had thrice graced Tibetan Youth Congress meetings, including the inaugural ceremony, for the past 45 years Tibetan Youth Congress has earnestly tried to contribute towards the cause of Tibet by organizing numerous campaigns in various countries to regain the independence of Tibet, keep alive the Tibetan identity by preserving and protecting our unique language and cultural heritage, and raise awareness on the issue of Tibet on the international platform.

We have been able to achieve this with the kind guidance of His Holiness, the unflinching trust and support extended by the Tibetan people, courageous sacrifices made by our brothers and sisters, and the tireless work done by past members as well as executive members of both the regional chapters and the Central Executive Committees.

Recently, for two days beginning August 12, the propaganda arm of the Chinese government, the Information Office of the State Council and the regional government of Tibet Autonomous Region jointly organized a symposium titled ‘2014 Forum on Development of Tibet’ to discuss development strategies. Around 100 delegates from more than 30 countries were roped in to attend the forum, which was on surface meant to discuss the future development of the region including preservation of Tibetan culture and environmental protection, but it was actually a publicity stunt by the Chinese government to showcase to the international community that Tibetan people inside Tibet are living a “happy life”, by showering praise on its self-acclaimed achievements in raising economic and health condition of the Tibetan people and protecting the Tibetan environment.

In reality, for the past 55 years since China occupied the land of snow by force, there has not been any positive change in the critical condition of the Tibetan people under the oppressive Chinese regime. In order to destroy the Tibetan language, religion and cultural traditions that form the basis of the unique Tibetan identity, it has implemented destructive policies such as the migration of Han Chinese into Tibet. Its abuse of basic human rights of the Tibetan people by denying Tibetans their freedom of religion, freedom of expression, freedom of movement and destruction of the fragile Tibetan environment through rampant mining activities and deforestation have been covered in detail in reports published by international environment and human rights groups.

Not only basic human rights are denied to the Tibetan people, even those Tibetans who appeal to the Chinese government to protect the environment are arrested, beaten and even killed under various trumped-up political charges. For instance, on August 12, 2014 Chinese paramilitary forces fired live ammunition into a crowd of Tibetans in Dege region in traditional Kham Province of Tibet, reaffirming China’s continued brutal repression in Tibet. Tibetans inside Tibet have also challenged Chinese government’s repressive rule through various forms of protest. Especially, since 2009 more than 130 Tibetans have self-immolated in protest against China’s repressive policies in Tibet. Since the root cause of these fiery protests lie in Chinese government’s repressive policies, it does not permit independent journalists and researchers to investigate the real situation inside Tibet.

For more than a year since Xi Jinping became president of China, Chinese government has carried out a so called fight against corruption; however it is not meant to advance human rights, democracy and freedom in China. In reality it is a strategy to consolidate the organization and power of the communist party of China which is at the brink of disintegration and to revitalize Chinese people’s hope and trust in the party. On the contrary, since Xi Jinping became president there has not been any improvement on human rights in China, particularly in Tibet where repression has increased since he became president of China.
Therefore, as the saying goes, “hope for the best and prepare for the worst”, we should also leave no stone unturned to prepare and struggle for the cause of Tibet rather than hope for someone else to solve the issue of Tibet. As Tibetans inside Tibet continue to show immense courage and unity in challenging Chinese rule in Tibet, time has come for exile Tibetans in various countries to take this opportunity to strengthen our efforts for the cause of Tibet.

By luring few uninformed Tibetans with wealth, Chinese government has been trying to sabotage the unity and harmony within the Tibetan community. When His Holiness visits foreign countries, a small group of Dholgyal propitiators have been trying to denigrate His Holiness by making baseless allegations. By hyphenating the Dorje Shugden cult with Tibetan Youth Congress, they have also made attempts to disgrace and dishonor the reputation of Tibetan Youth Congress, which clearly shows that the Chinese government is trying every possible way to disrupt the unity of the Tibetan people. We request all Tibetans, young and old alike, to be careful and wary of such developments that attempt to hinder the Tibetan freedom movement.

On this occasion of the 45th founding anniversary of the Tibetan Youth Congress, we would like to urge all Tibetan youth to participate in protests and campaigns to intensify the Tibetan movement and make it more effective on the global stage. Tibetan Youth Congress will continue to struggle for the independence of Tibet as per the aims and objectives of the organization.
Finally, we pray for the long and healthy life of His Holiness the Dalai Lama and a prompt resolution to the issue of Tibet.
The Central Executive Committee

Tibetan Youth Congress

Oct 7, 2014

* In case of any discrepancy in meaning, the original Tibetan text should be considered as the authoratative one.

May 23, 2014
For Immediate Release

Tibetan Youth Congress (TYC), the largest Tibetan youth organization and NGO in exile strongly condemns and rejects the baseless allegations against our spiritual leader His Holiness the14th Dalai Lama by followers of Dolgyal-Shugden.

In May 1996, Tibetan Youth Congress held a special conference, which was followed by adoption of a series of resolutions for policy directives to be pursued on this issue. Since then TYC and our members worldwide have been actively involved in educating Tibetans and non-Tibetans on the issues surrounding the worship of the Dolgyal-Shugden spirit. The following year we witnessed the murder of Venerable Lobsang Gyatso, director of Buddhist Dialectic Institute a close associate to the Dalai Lama, and his two young disciples in Dharamsala India. Indian police investigations led to conclude that the followers of Dolgyal-Shugden were behind these murders. TYC will once again hold a special session on this issue during our 45th Working Committee Meeting later this year.

The latest occurrences, fabricated assaults and confrontations on our leader the Dalai Lama during his trip to North America and Europe are a clear indication that Dolgyal-Shugden followers are stepping up their misguided propaganda. Renowned Buddhist Scholar and Columbia University Professor Robert Thurman, has written a recent article published in the Huffington Post connecting the Chinese government’srole in supporting Dogyal-Shugden activities. He states that, “the so-called Panchen Lama reincarnation, whom the Communist party chiefs appointed after abducting and disappearing the five year old boy properly chosen in the traditional way by acommittee of his monastery with approval of the Dalai Lama, is shown on the internet in various photographs sitting in front of a large icon of Dolgyal Shugden, as a sign of aggressive defiance of the Dalai Lama.” Recent decision of the Norwegian government not to meet the Dalai Lama due to pressure from China was applauded by the Dolgyal group clearly indicating Chinese government influence on the cult.

The Dalai Lama is beloved by Tibetans and non-Tibetans all over the world for his message of peace and compassion but moreover for his endless efforts in creating a world where people of different backgrounds, religions, sex, caste and race co-exists in harmony. For his noble efforts the Dalai Lama has received recognition by various governments and prestigious institutions all over the world including the Nobel Peace Prize in 1989. As the Dalai Lama has gained popularity and at the same time the reality of the situation in Tibet been exposed, China views him to be a threat to their illegal occupation of Tibet. Therefore, the Chinese government is ready to join hands in cahoots with followers of the Dogyal-Shugden and fund their anti Dalai Lama activities.

Assertions made by the Shugden followers like the Dalai Lama is not allowing religious freedom and calling him – “liar”,“false lama” etc. are totally baseless and have no real grounds to show for. The Dalai Lama has never banned the following of Dorjee Shugden – the spirit of the Shugden propitiators. The Dalai Lama has advised on the propitiation of the Dolgyal and if one choses to follow this spirit then he or she is free to do so. Members of the cult today, continue to exercise their choice and practice the propitiation of the spirit freely in various parts of the world therefore is no ban or denial of religious freedom. Attacking the Dalai Lama with unsubstantiated claims only provoke Tibetans who revere and love their leader.

The Dolgyal-Shugden issue has repeatedly been made very clear by His Holiness the Dalai Lama during several of his teachings and information is also available on the official website of the Dalai Lama (www.dalailama.com). We believe that there should be no reason for the propitiators of this spirit to carry on their injudicious propaganda. The recent incidents in North America and Europe are troubling and Tibetans all over the world and in Tibet are concerned. Tibetans inside Tibet sacrifice their lives and self immolate themselves calling for the return of His Holinessthe Dalai Lama back to Tibet. The disappointment felt by them because of the actions of those few in exile against our spiritual leader is immense.

Tibetan Youth Congress calls upon all Tibetan to remain vigilant, attentive and cautious. During visits of the Dalai Lama to your cities, we urge you to step up security and also partake in awareness raising campaigns thus educating the lay people as well as the followers of the spirit as to what the truth is. Today Tibetans in Tibet and exile remain more united than ever because of the leadership of the Dalai Lama.The resilient spirit of the Tibetan people cannot be undermined and we will not be divided. We stand firm behind our leader His Holiness the Dalai Lama and any effort making false attacks to defame our leader will not be accepted. We pray for the long life His Holiness the Dalai Lama and we pledge to remain united and work for the Tibet issue to be resolved soon.