དེ་རིང་ཕྱི་ལོ་ ༢༠༢༤ ཟླ་ ༩ ཚེས་ ༡༧ ཉིན་རྒྱབ་བོད་ཀྱི་གཞོན་ནུ་ལྷན་ཚོགས་ཀྱི་སྤྱི་ཁྱབ་ཚོགས་གཙོ་མཆོག་དང་བོད་ཀྱི་གཞུང་འབྲེལ་མིན་པའི་ཚོགས་པ་ཆེ་ཁག་གི་སྐུ་ཚབ་རྣམས་ནས་བོད་དང་ཐེ་ཝན་འགྲོ་བ་མིའི་ཐོབ་ཐང་འབྲེལ་མཐུད་ཁང་གི་འགན་འཛིན་སྐུ་ཞབས་སུན་ཡོའུ་ལཱན་ (Mr. SUN You-lian) མཆོག་དང་། སྤྱི་ཁྱབ་དྲུང་ཆེ་སྐུ་ཞབས་བཀྲ་ཤིས་ཚེ་རིང་མཆོག བོད་དོན་རྒྱབ་སྐྱོར་བ་ལྕམ་ལིའོ་ཧུའེ་ཕང་ (Ms. LIAO Hui-Fang) མཆོག་བཅས་དང་ལྷན་བོད་དོན་འཐབ་རྩོད་ཐོག་ནུས་པ་མཉམ་སྤུང་ཐད་གོ་བསྡུར་སྦྱང་བཤད་གང་ལེགས་བྱུང་ཡོད།

བོད་ཀྱི་གཞོན་ནུ་ལྷན་ཚོགས་ནས་གོ་སྒྲིག་ཞུས་པའི་བོད་དོན་དྲིལ་བསྒྲགས་ཀྱི་རྐང་འཁོར་སྐོར་སྐྱོད་ནང་མཉམ་ཞུགས་གནང་མཁན་ལས་འགུལ་བ་ཁག་ཅིག་ནས་དཔལ་ས་སྐྱའི་ཁྲི་འཛིན་ ༤༢ པ་གདུང་སྲས་བགྲེས་པ་རཏྣ་བཛྲ་རིན་པོ་ཆེ་མཆོག་དང་ཕྱི་དབང་རིན་པོ་ཆེ་མཆོག་རྣམ་གཉིས་ལ་མཇལ་བཅར་ཞུ་རྒྱུ་བྱུང་ཡོད་པ་མ་ཟད། ད་ཐེངས་རྐང་འཁོར་སྐོར་སྐྱོད་ཀྱི་ལས་འགུལ་དེ་བཞིན་གེགས་མེད་ལམ་ལྷོང་ཡོང་བར་ཐུགས་སྨོན་སྐྱབས་འཇུག་ཡོང་བའི་གསོལ་འདེབས་ཀྱང་ཞུ་རྒྱུ་བྱུང་ཡོད།