བོད་ཀྱི་རྒྱལ་ཡོངས་མང་གཙོ་ཚོགས་པ་བཙུགས་ཏེ་ལོ་ངོ་ཧྲིལ་པོ་ ༣༠ འཁོར་བའི་དུས་སྟོན་སྲུང་བརྩིའི་སྐབས།

བོད་ཀྱི་རྒྱལ་ཡོངས་མང་གཙོ་ཚོགས་པ་བཙུགས་ཏེ་ལོ་ངོ་ཧྲིལ་པོ་ ༣༠ འཁོར་བའི་དུས་སྟོན་སྲུང་བརྩིའི་སྐབས། བོད་ཀྱི་གཞོན་ནུ་ལྷན་ཚོགས་ཀྱི་སྤྱི་ཁྱབ་ཚོགས་གཙོ་མགོན་པོ་དོན་གྲུབ་མཆོག་དམིགས་བསལ་སྐུ་མགྲོན་དུ་གདན་ཞུས་ལྟར་ཆེད་བཅར་གྱིས། ཚོགས་པ་འདི་བཞིན་ཐོག་མར་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གི་བཀའ་དགོངས་བཞིན་གཞོན་ལྷན་གྱི་འགན་ལྷན་དང་ཚོགས་ཆེན་རིམ་པར་གོ་བསྡུར་སྦྱང་བཤད་གནང་སྟེ་བོད་ཀྱི་གཞོན་ནུ་ལྷན་ཚོགས་ནས་གསར་འཛུགས་བྱས་པའི་ཚོགས་པ་ཞིག་ཡིན་ཚུལ་སོགས་ཀྱི་གཏམ་བཤད་ཡང་གནང་ཡོད། གཞན་ཡང་མཛད་སྒོའི་སྐུ་མགྲོན་གཙོ་བོར་དཔལ་ལྡན་བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་དང་དམིགས་བསལ་སྐུ་མགྲོན་དུ་བོད་མི་མང་སྤྱི་འཐུས་ཚོགས་གཞོན་ཟུར་པ་དང་། བོད་ཀྱི་རྒྱལ་ཡོངས་མང་གཙོ་ཚོགས་པའི་ཚོགས་ཟུར་ཨཅརྱ་ཡེ་ཤེས་ཕུན་ཚོགས་མཆོག སྐུ་མགྲོན་གཞན་དུ་བོད་ཀྱི་རྒྱལ་ཡོངས་མང་གཙོ་ཚོགས་པའི་སློབ་སྟོན་པ་ཐུབ་བསྟན་སྙན་གྲགས་ལགས། གཞུང་དང་གཞུང་འབྲེལ་མིན་པའི་ཚོགས་སྡེ་ཁག་གི་ལས་སྣེ་རྣམ་པ། བོད་ཀྱི་རྒྱལ་ཡོངས་མང་གཙོ་ཚོགས་པའི་ཚོགས་གཙོ་གཙོས་པའི་རྒྱུན་ལས་རྣམ་པ་དང་། དེ་བཞིན་ས་གནས་མི་མང་བཅས་ཕེབས་འདུག

བོད་ཀྱི་གཞོན་ནུ་ལྷན་ཚོགས་ཀྱི་སྤྱི་ཁྱབ་ཚོགས་གཞོན་དང་སྒྲིག་འཛུགས་འགན་འཛིན་ཧོ་ལན་ཌ་རུ་མཚམས་གཟིགས།

ཧོ་ལན་ཌ་བོད་རིགས་ཚོགས་པའི་མཐུན་འགྱུར་གོ་སྒྲིག་འོག་བོད་ཀྱི་གཞོན་ནུ་ལྷན་ཚོགས་ཀྱི་སྤྱི་ཁྱབ་ཚོགས་གཞོན་བཀྲ་ཤིས་རྟགས་རྒྱས་དང་སྒྲིག་འཛུགས་འགན་འཛིན་ཡེ་ཤེས་ཆོས་འཕེལ་རྣམ་གཉིས་ནས་ཧོ་ལན་ཌ་བོད་རིགས་མང་ཚོགས་ལ་བོད་ནང་གི་ཛ་དྲག་གནས་སྟངས་དང་བོད་ཀྱི་གཞོན་ནུ་ལྷན་ཚོགས་སྒྲིག་འཛུགས་ཀྱི་གལ་གནད། གཞན་ཡང་ད་ལྟའི་ཆར་ཆོལ་གསུམ་བོད་རིགས་ནང་ཁུལ་སྡོག་རྩ་ཆིག་སྒྲིལ་ངང་ནུས་པ་མཉམ་སྤུང་གིས་དགྲ་བོ་རྒྱ་དམར་སྲིད་གཞུང་ལ་ངོ་རྒོལ་དང་འགོག་རྒོལ་གྱི་ལས་འགུལ་སྤེལ་དགོས་གལ་སོགས་ཀྱི་ཐད་གཏམ་བཤད་གནང་ཡོད། སྐབས་དེར་ཧོ་ལན་ཌ་བོད་རིགས་ཚོགས་པས་རྒྱབ་སྐྱོར་སྣེ་ལེན་གང་ལེགས་དང་། བོད་རིགས་མང་ཚོགས་ནས་ཀྱང་རྒྱབ་སྐྱོར་ཤུགས་ཆེར་གནང་སོང་བས་འབྲེལ་ཡོད་ཡོངས་ལ་ཐུགས་རྗེ་ཆེ་ཞུ་རྒྱུ་ཡིན།

བོད་ཀྱི་གཞོན་ནུ་ལྷན་ཚོགས་ཀྱི་དབུས་རྒྱུན་ཟུར་པ་སྐུ་ངོ་བཀའ་ཟུར་ཀརྨ་ཡེ་ཤེས་མཆོག་ལ་མཇལ་བཅར།

བོད་ཀྱི་གཞོན་ནུ་ལྷན་ཚོགས་ཀྱི་སྤྱི་ཁྱབ་ཚོགས་གཙོ་དང་དྲུང་ཆེ་གཉིས་ནས་བོད་ཀྱི་གཞོན་ནུ་ལྷན་ཚོགས་ཀྱི་དབུས་རྒྱུན་ཟུར་པ་སྐུ་ངོ་བཀའ་ཟུར་ཀརྨ་ཡེ་ཤེས་མཆོག་ལ་མཇལ་བཅར་གྱིས་སྐུ་ངོ་མཆོག་བཙན་བྱོལ་བོད་མིའི་ལས་བྱེད་འདེམས་ལྷན་གྱི་ཚོགས་གཙོར་བསྐོ་གཞག་བྱུང་བར་འཚམས་འདྲི་ཞུས་ཡོད།

ཨི་སི་ཏཱོ་ནི་ཡའི་བོད་དོན་རྒྱབ་སྐྱོར་བ་དང་གྲོས་ཚོགས་འཐུས་མི་ཁག་གཅིག་དང་ཐུག་འཕྲད།

དེ་རིང་ཕྱི་ལོ་ ༢༠༢༤ ཟླ་ ༩ ཚེས་ ༢ ཉིན་གྱི་ཉིན་རྒྱབ་བོད་ཀྱི་གཞོན་ནུ་ལྷན་ཚོགས་ཀྱི་སྤྱི་ཁྱབ་ཚོགས་གཙོ་མགོན་པོ་དོན་གྲུབ་མཆོག་དང་གཞུང་འབྲེལ་མིན་པའི་ཚོགས་པ་ཆེ་ཁག་བཞིའི་སྐུ་ཚབ་རྣམས་ནས་ཨི་སི་ཏཱོ་ནི་ཡའི་བོད་དོན་རྒྱབ་སྐྱོར་བ་དང་གྲོས་ཚོགས་འཐུས་མི་ཁག་གཅིག་དང་ཐུག་འཕྲད་ཀྱིས་ཚོགས་པ་ཁག་གི་ངོ་བོ་དང་དམིགས་ཡུལ། གཞན་ཡང་ལས་དོན་བྱེད་ཕྱོགས་གཙོས་ད་ལྟའི་ཆར་བོད་ནང་གི་ཛ་དྲག་གནས་སྟངས་སོགས་ཀྱི་ཐད་གོ་བསྡུར་ཞུ་རྒྱུ་བྱུང་ཡོད།

གྷ་གྷལ་གནམ་ཐང་དུ་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ཕེབས་བསུ་ཞུ་རྒྱུའི་སྐལ་བཟང་།

སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གི་ཞབས་པུས་སྨན་བཅོས་ལེགས་གྲུབ་ཀྱིས་བྱང་ཨ་རིས་གཙོས་ཡུ་རོབ་ཁུལ་གྱི་མཛད་འཆར་ལེགས་གྲུབ་བྱུང་ཏེ་བཞུགས་སྒར་དུ་ཕྱིར་ཕེབས་གནང་སྐབས་བོད་ཀྱི་གཞོན་ནུ་ལྷན་ཚོགས་ཀྱི་རྒྱུན་ལས་ལས་བྱེད་རྣམས་ཀྱིས་གྷ་གྷལ་གནམ་ཐང་ནས་ཕེབས་བསུ་ཞུ་རྒྱུའི་སྐལ་བཟང་གི་གོ་སྐབས་བྱུང་ཡོད།

བོད་ཀྱི་ཁོར་ཡུག་དང་གནམ་གཤིས་འགྱུར་ལྡོག་ཐོག་ལས་འགུལ་སྤེལ་ཕྱོགས་ཀྱི་ཐབས་ཇུའི་ཟབ་སྦྱོང།

བོད་ཀྱི་གཞོན་ནུ་ལྷན་ཚོགས་ཀྱི་སྤྱི་ཁྱབ་དྲུང་ཆེ་བསོད་ནམས་ཚེ་རིང་དང་ཟུང་དྲུང་ཚེ་རིང་ཆོས་འཕེལ་རྣམ་གཉིས་བོད་ཀྱི་སྲིད་བྱུས་ཉམས་ཞིབ་ཁང་གིས་གོ་སྒྲིག་ཞུས་པའི་བོད་ཀྱི་ཁོར་ཡུག་དང་གནམ་གཤིས་འགྱུར་ལྡོག་ཐོག་ལས་འགུལ་སྤེལ་ཕྱོགས་ཀྱི་ཐབས་ཇུའི་ཟབ་སྦྱོང་ནང་མཉམ་ཞུགས་གནང་ཡོད།

འབྲས་ལྗོངས་མངའ་སྡེའི་ནང་སློབ་གཉེར་གནང་བཞིན་པའི་སློབ་ཕྲུག་གྲངས་ ༣༠ ཙམ་དང་སྒང་ཏོག་ཁུལ་གྱི་བོད་པའི་ཚོགས་པ་ཁག་གི་སྐུ་ཚབ་བཅས་ལ་ཐུག་འཕྲད།

ཕྱི་ལོ་ ༢༠༢༤ ཟླ་ ༧ ཚེས་ ༧ ཉིན་གྱི་ཕྱི་དྲོ་བོད་ཀྱི་གཞོན་ནུ་ལྷན་ཚོགས་ཀྱི་སྤྱི་ཁྱབ་ཚོགས་གཞོན་བཀྲ་ཤིས་རྟགས་རྒྱས་མཆོག་ནས་བོད་ཀྱི་གཞུང་འབྲེལ་མིན་པའི་ཚོགས་པ་ཆེ་ཁག་གཞན་གྱི་སྐུ་ཚབ་དང་ལྷན་འབྲས་ལྗོངས་མངའ་སྡེའི་ནང་སློབ་གཉེར་གནང་བཞིན་པའི་སློབ་ཕྲུག་གྲངས་ ༣༠ ཙམ་དང་སྒང་ཏོག་ཁུལ་གྱི་བོད་པའི་ཚོགས་པ་ཁག་གི་སྐུ་ཚབ་བཅས་ལ་ཐུག་འཕྲད་ཀྱིས་གཞོན་ལྷན་སྒྲིག་འཛུགས་ཀྱི་དམིགས་ཡུལ་དང་ལས་དོན་བྱེད་ཕྱོགས། དེ་བཞིན་བོད་ནང་གི་ཛ་དྲག་གནས་སྟངས་སོགས་ཀྱི་ཐད་གོ་རྟོགས་སྤེལ་ཡོད།

སྤྱི་ནོར་༸གོང་ས་༸སྐྱབས་མགོན་རྒྱལ་བའི་དབང་པོ་ཐམས་བཅད་མཁྱེན་ཅིང་གཟིགས་པ་ཆེན་པོ་མཆོག་ཕྱི་ལུགས་ལྟར་དགུང་གྲངས་ ༨༩ ལ་ཕེབས་པའི་༸སྐུའི་འཁྲུངས་སྐར་

༄༅། །འཛམ་གླིང་ཞི་བདེའི་དེད་དཔོན། ས་སྟེང་རྒྱལ་བསྟན་ཡོངས་རྫོགས་ཀྱི་མངའ་བདག བོད་འབངས་ཡོངས་ཀྱི་མགོན་སྐྱབས་དང་བླ་ན་མ་མཆིས་པའི་དབུ་ཁྲིད། སྤྱི་ནོར་༸གོང་ས་༸སྐྱབས་མགོན་རྒྱལ་བའི་དབང་པོ་ཐམས་བཅད་མཁྱེན་ཅིང་གཟིགས་པ་ཆེན་པོ་མཆོག་ཕྱི་ལུགས་ལྟར་དགུང་གྲངས་ ༨༩ ལ་ཕེབས་པའི་༸སྐུའི་འཁྲུངས་སྐར་གྱི་སྐལ་བཟང་གི་དགའ་སྟོན་ཉིན་མོར། བོད་ཀྱི་གཞོན་ནུ་ལྷན་ཚོགས་ཀྱི་དབུས་སའི་རྒྱུན་ལས་ཚོགས་མི་ཡོངས་ནས་ལྷ་ཕྱག་གྲངས་མེད་དང་བཅས་དགའ་དད་སྤྲོ་གསུམ་གྱི་སྒོ་ནས་༸སྐུའི་འཁྲུངས་སྐར་ལ་འཚམས་འདྲིའི་བཀྲ་ཤིས་བདེ་ལེགས་གྲངས་མེད་ཞུ་བ་དང་སྦྲགས། ༸མགོན་པོ་གང་ཉིད་སྐུ་ཚེ་བསྐལ་བརྒྱར་བརྟན་ཅིང་། ཐུགས་ཀྱི་བཞེད་དགོངས་ཐ་དག་གེགས་མེད་ལྷུན་གྱིས་འགྲུབ་པའི་སྨོན་འདུན་ཤུགས་དྲག་དང་བཅས། བཀྲ་ཤིས་བདེ་ལེགས། །
བསྟན་པ་འདི་ལ་སྟོན་པ་གཉིས་པར་གྲགས།།
མཁའ་མཉམ་འགྲོ་ལ་བྱམས་བརྩེའི་བདག་ཉིད་ཅན།།
འཛམ་གླིང་མཛེས་བྱེད་ཞི་བདེའི་དེད་དཔོན་མཆོག །
ལྷག་པར་གངས་ཅན་བསྟན་འགྲོའི་མགོན་དཔུང་ཉིད།།
འཕགས་མཆོག་ཕྱག་ན་པདྨོར་ཕྱག་འཚལ་ལོ།།

མནར་གཅོད་ལ་འགོག་རྒོལ་གྱི་རྒྱལ་སྤྱིའི་ཉིན་མོ།

མནར་གཅོད་ལ་འགོག་རྒོལ་གྱི་རྒྱལ་སྤྱིའི་ཉིན་མོ།

ཕྱི་ལོ་ ༢༠༢༤ ཟླ་ ༦ ཚེས་ ༢༦ ཉིན་མནར་གཅོད་ལ་འགོག་རྒོལ་ལམ། མནར་གཅོད་མྱོང་མཁན་རྣམས་ལ་རྒྱབ་སྐྱོར་གྱི་རྒྱལ་སྤྱིའི་ཉིན་མོ་སྲུང་བརྩིའི་སླད། བོད་ཀྱི་གཞོན་ནུ་ལྷན་ཚོགས་དང་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་བསྟི་གནས་ཁང་། བོད་ཀྱི་བུད་མེད་ལྷན་ཚོགས། བོད་རང་བཙན་སློབ་ཕྲུག་ཚོགས་པ་བཅས་ནས་བོད་ཀྱི་ཆབ་སྲིད་བཙོན་ཟུར་ལྔ་ཙམ་གདན་ཞུས་ཀྱིས་བཞུགས་སྒར་རྡ་ས་ས་གནས་འགོ་འཛིན་ལས་ཁུངས་ཀྱི་ཚོགས་ཁང་དུ་གཏམ་བཤད་བགྲོ་གླེང་གོ་སྒྲིག་དང་། གཞན་ཡང་བོད་ཀྱི་ཆབ་སྲིད་བཙོན་པ་ཉི་ཤུའི་དངོས་ཡོད་ཀྱི་ལོ་རྒྱུས་འགྲེམས་སྤེལ་དང་འགྲེལ་བཤད་བཅས་ཞུས་ཏེ་དུས་དྲན་སྲུང་བརྩི་ཞུས་ཡོད།

དེ་ཡང་མཉམ་འབྲེལ་རྒྱལ་ཚོགས་ནས་མནར་གཅོད་འགོག་པའི་སྤྱི་ཆིངས་གཏན་འབེབ་བྱུང་སྟེ་མི་ལོ་ཧྲིལ་པོ་ ༣༧ འཁོར་བའི་མནར་གཅོད་ཕོག་མཁན་རྣམས་ལ་རྒྱབ་སྐྱོར་གྱི་རྒྱལ་སྤྱིའི་ཉིན་མོར་དམིགས་ཏེ་བོད་ཀྱི་ཆབ་སྲིད་བཙོན་ཟུར་དགེ་བཤེས་ཚེ་རིང་རྡོ་རྗེ་ལགས་དང་། བློ་བཟང་ཡོན་ཏན་ལགས། དགེ་འདུན་རིན་ཆེན་ལགས། ཤེས་རབ་རྒྱ་མཚོ་ལགས་དང་དགེ་བཤེས་ངག་དབང་དགེ་ལེགས་ལགས་བཅས་གདན་ཞུས་གནང་ཡོད་པ་མ་ཟད། སྐབས་དེར་བོད་ཀྱི་གཞོན་ནུ་ལྷན་ཚོགས་ཀྱི་སྤྱི་ཁྱབ་དྲུང་ཆེ་བསོད་ནམས་ཚེ་རིང་ལགས་ནས་མཛད་སྒོ་གཙོ་སྐྱོང་གིས་མཛད་སྒོའི་ཐོག་མར་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་བསྟི་གནས་ཁང་གི་འགན་འཛིན་བསྟན་འཛིན་ཟླ་བ་ལགས་ནས་དུས་དྲན་སྲུང་བརྩིའི་གལ་གནད་དང་ད་ལྟའི་ཆར་བོད་ནང་འགྲོ་བ་མིའི་ཐོབ་ཐང་གི་གནས་སྟངས་ཛ་དྲག་སོགས་ཀྱི་ཐད་ངོ་སྤྲོད་གསུང་བཤད་གནང་ཡོད་པ་དང་། དེ་རྗེས་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་བསྟི་གནས་ཁང་གི་ཉམས་ཞིབ་པ་ཕུར་བུ་སྒྲོལ་མ་ལགས་ནས་བོད་ཀྱི་ཆབ་སྲིད་བཙོན་ཟུར་ཉི་ཤུའི་དངོས་ཡོད་གནས་ལོ་རྒྱུས་མདོར་བསྡུས་སྙན་གསེང་ཞུས་པ་དང་སྦྲགས། གཞོན་ལྷན་སྤྱི་ཁྱབ་དྲུང་ཆེའི་གཙོ་སྐྱོང་འོག་ཆབ་སྲིད་བཙོན་ཟུར་རྣམས་ཀྱི་ལོ་རྒྱུས་ངོ་སྤྲོད་གྲུབ་མཚམས་བོད་ཀྱི་ཆབ་སྲིད་བཙོན་པ་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་གི་ཚ་མོ་ཉི་མ་ལྷ་མོ་ལགས་ནས་དུས་དྲན་དང་འབྲེལ་བའི་འཚམས་འདྲིའི་བརྙན་ཐུང་གཟིགས་འབུལ་ཞུས་ཡོད། དེ་རྗེས་ཆབ་སྲིད་བཙོན་ཟུར་རེ་མུས་ཀྱིས་དགྲ་བོ་རྒྱ་དམར་གྱི་བཙོན་ཁང་ནང་སྡུག་སྦྱོང་མནར་གཅོད་གང་དང་གང་མྱངས་ཡོད་མེད་སོགས་ཀྱི་གཏམ་བཤད་སྤེལ་ཡོད། ཁོང་རྣམ་པའི་གཏམ་བཤད་གྲུབ་མཚམས་ཚོགས་བཅར་བའི་དྲི་བར་ལན་འདེབས་དང་བཅས་གཏམ་བཤད་ཀྱི་ལས་རིམ་ལེགས་གྲུབ་ངང་གཏམ་བཤད་ལས་རིམ་ནང་མཉམ་ཞུགས་གནང་མཁན་རྒྱལ་གཅེས་པ་ཆབ་སྲིད་བཙོན་ཟུར་རྣམ་པར་ཐུགས་རྗེ་ཆེ་ཞུའི་ཕྱག་རྟགས་ཕུལ་གནང་དང་བོད་ཀྱི་བུད་མེད་ཚོགས་གཙོ་ཚེ་རིང་སྒྲོལ་མ་ལགས་ནས་ཐུགས་རྗེ་ཆེ་ཞུའི་གསུང་བཤད་གནང་སྟེ་ལས་རིམ་ལེགས་གྲུབ་བྱུང་ཡོད།

 

གཞོན་ལྷན་ཟུང་དྲུང་ཐའི་ཝན་ཚོགས་འདུར་མཉམ་ཞུགས།

གཞོན་ལྷན་ཟུང་དྲུང་ཐའི་ཝན་ཚོགས་འདུར་མཉམ་ཞུགས།

ཕྱི་ལོ་ ༢༠༢༤ ཟླ་ ༦ ཚེས་ ༡༦ ནས་ ༢༡ བར་བོད་ཀྱི་གཞོན་ནུ་ལྷན་ཚོགས་ཀྱི་སྤྱི་ཁྱབ་ཟུང་དྲུང་ཚེ་རིང་ཆོས་འཕེལ་ལགས་བོད་རང་བཙན་སློབ་ཕྲུག་ཚོགས་པས་ཐའེ་ཝན་དུ་ཉིན་གསུམ་རིང་གོ་སྒྲིག་ཞུས་པའི་བོད་དང་ཐའེ་ཝན། ཤར་ཏུར་ཀི་སི་ཐན། ཧོང་ཀོང་བཅས་ཀྱི་གཞོན་སྐྱེས་འཐབ་བརྩོད་པའི་རྒྱལ་སྤྱིའི་ཚོགས་འདུར་ཆེད་བཅར་གནང་ཡོད་པ་དང་། སྐབས་དེར་ཐའེ་ཝན་ས་གནས་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་ཟུར་པ་བཀྲིས་ཚེ་རིང་ལགས་དང་ལས་ཐོག་ཚོགས་གཙོ་དཀོན་མཆོག་ལགས་གཙོས་རྒྱུན་ལས་རྣམས་ལ་ཡང་ཐུག་འཕྲད་ཀྱིས་ས་གནས་གཞོན་ལྷན་ནས་ལས་འགུལ་སྤེལ་ཕྱོགས་སོགས་ཀྱི་ཐད་གོ་བསྡུར་སྦྱང་བཤད་ཞུ་རྒྱུ་བྱུང་ཡོད།

Back To Top