དེ་རིང་ཕྱི་ལོ་ ༢༠༢༤ ཟླ་ ༩ ཚེས་ ༡༡ ཉིན་གྱི་སྔ་དྲོ་ཧོང་ཀོང་འཐུས་ཚོགས་ཀྱི་ཚོགས་གཙོ་དང་ལས་འགུལ་བ་སང་པུ་ (SANG PU) དང་། བྷར་མའི་མང་གཙོ་དང་རང་དབང་འཐབ་རྩོད་པ་དྷུ་ཀེ་ཀེ་(DU KEKE) གཉིས་བོད་ཀྱི་གཞོན་ནུ་ལྷན་ཚོགས་ཀྱི་སྤྱི་ཁྱབ་ཡིག་ཚང་དུ་དམིགས་བསལ་མགྲོན་འབོད་ཀྱིས་བོད་ཀྱི་གཞོན་ནུ་ལྷན་ཚོགས་ཀྱི་སྒྲིག་འཛུགས་ཀྱི་ངོ་བོ་དང་དམིགས་ཡུལ་སོགས་ངོ་སྤྲོད་དང་ཚོགས་པའི་གལ་གནད། གཞན་ཡང་དགྲ་བོ་རྒྱ་དམར་སྲིད་གཞུང་གི་གནོན་ཤུགས་དང་བཙན་འཛུལ་ལ་འགོག་རྒོལ་གདོང་ལེན་བྱེད་ཕྱོགས་སོགས་དང་འབྲེལ་བའི་གོ་བསྡུར་གང་ལེགས་བྱུང་ཡོད།