ཆོལ་གསུམ་བོད་རིགས་སྤུན་ཟླ་ཚང་མས་དགོངས་པར་མངའ་གསལ་བཞིན་ཕྱི་རྒྱལ་གནས་སྡོད་སེང་གེ་ཞེས་པའི་བོད་རིགས། རང་ལུས་ལ་བོད་དྲི་དང་རང་སེམས་འདུལ་བའི་ནང་བསྟན་གྱི་གཞི་རྩ་ཏིལ་འབྲུ་ཙམ་ཡང་མེད་པའི་གང་ཟག་གཅིག་ནས་རང་རེའི་རྩ་བའི་བླ་མ་༸གོང་ས་ཡིད་བཞིན་ནོར་བུ་མཆོག་ལ་བློ་ངོར་ཤོང་དཀའ་བ་དང་ཚད་ལས་འགལ་བའི་མཚན་སྨད་ཞུས་ཏེ། བླ་སློབ་ཀྱི་དམ་ཚིག་ཉམས་གཞི་དང་། དད་ལྡན་མང་ཚོགས་ཀྱི་སེམས་ཁམས་ལ་རྨ་ཁ་གཏིང་ཟབ་བཟོས་པར་གཞོན་ལྷན་ནས་ངོ་རྒོལ་སྐྱོན་བརྗོད་ནན་པོ་བྱ་རྒྱུ་མ་ཟད། གདོང་ལེན་གྱི་ཞུ་སྒོ་གང་དགོས་སྤེལ་རྒྱུ་ཡིན། གཞན་ཡང་གང་ཟག་དེ་ཉིད་ནས་རང་བཙན་ཁ་ལ་འཁྱེར་ཏེ་བོད་མིའི་འཐབ་རྩོད་དང་ཆིག་སྒྲིལ་གྱི་ནུས་པ་ཉམས་ཉེས་སུ་གཏོང་ཐབས་དང་། དགྲ་བོ་རྒྱ་དམར་སྲིད་གཞུང་གི་འདོད་དོན་སྒྲུབ་བཞིན་ཡོད་པར་ངོས་འཛིན་ཐོག་ཆོལ་གསུམ་བོད་རིགས་སྤུན་ཟླ་ནང་ཁུལ་ཆིག་སྒྲིལ་སྔར་ལྷག་དང་། བོད་དོན་བདེན་མཐའ་སེལ་བའི་ལངས་ཕྱོགས་འདྲ་མིན་དབར་ཕན་ཚུན་བསམ་ཤེས་དང་གུ་ཡངས་སྔར་ལྷག་ཐོག་ནུས་པ་མཉམ་སྤུངས་ཀྱིས་དུས་མཚམས་དགོས་ངེས་གདོང་ལེན་གནང་རྒྱུར་འབོད་སྐུལ་གྱི་བསྒྲགས་གཏམ།