བོད་འབངས་ཡོངས་ཀྱི་མགོན་སྐྱབས་དང་བླ་ན་མེད་པའི་དབུ་ཁྲིད། འཛམ་གླིང་ཞི་བདེའི་དེད་དཔོན། ས་སྟེང་རྒྱལ་བསྟན་ཡོངས་རྫོགས་ཀྱི་མངའ་བདག་སྤྱི་ནོར་༸གོང་ས་ ༸སྐྱབས་མགོན་རྒྱལ་དབང་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་ཕྱི་ལུགས་ལྟར་དགུང་གྲངས་ ༨༨ ལ་ཕེབས་པའི་༸སྐུའི་འཁྲུངས་སྐར་གྱི་སྐལ་བཟང་གི་དགའ་སྟོན་ཉིན་མོར་བོད་ཀྱི་གཞོན་ནུ་ལྷན་ཚོགས་ཀྱི་རྒྱུན་ལས་ཚོགས་མི་ཡོངས་ནས་གཞིས་བྱེས་བོད་མི་ཡོངས་ཀྱི་ཚབ་ཞུས་ཏེ་ལྷ་ཕྱག་གྲངས་མེད་དང་བཅས་དགའ་དད་སྤྲོ་གསུམ་གྱི་སྒོ་ནས་འཚམས་འདྲིའི་བཀྲ་ཤིས་བདེ་ལེགས་ཞུ་རྒྱུ་བྱུང་ཡོད།
དེ་ཡང་གཙོ་བོར་དམིགས་བསལ་འདྲ་པར་བཟོ་བཀོད་ཀྱིས་གཞོན་ལྷན་གྱི་སྤྱི་ཚོགས་དྲྭ་རྒྱའི་བརྒྱུད་ལམ་ཁག་ལ་འགྲེམས་སྤེལ་དང་། ཉིན་རྒྱབ་བཞུགས་སྒར་རྡ་སའི་ཁུལ་གྱི་ཚོགས་པ་སྐྱིད་སྡུག་ཁག་གི་ངོས་ནས་ཐེག་ཆེན་ཆོས་གླེང་གཙུག་ལག་ཁང་དུ་འཁྲུངས་སྐར་སྲུང་བརྩིའི་གཞས་སྣ་འཁྲབ་སྟོན་གཟིགས་འབུལ་སྐབས་གཞོན་ལྷན་སྤྱི་ཁྱབ་དྲུང་ཆེ་མཆོག་ནས་ལས་རིམ་གཙོ་སྐྱོང་དང་གཞོན་ལྷན་སྤྱི་ཚོགས་དྲྭ་རྒྱའི་ལས་བྱེད་བསྟན་འཛིན་བློ་བཟང་ལགས་ནས་གློག་ཀླད་ཀྱི་རམ་འདེགས་བཅས་ཞུས་ཏེ་ལས་རིམ་གོ་སྒྲིག་འཐུས་ཚང་བྱུང་ཡོད།
