གུ་རུ་ཀུལ་ལས་གཞིའི་རྒྱ་གར་མཐོ་སློབ་ཁག་གི་སློབ་མ་དང་ཐུག་འཕྲད།
ཕྱི་ལོ་ ༢༠༢༤ ཟླ་ ༦ ཚེས་ ༢༠ ཉིན་རྒྱབ་གཞོན་ལྷན་སྤྱི་ཁྱབ་དྲུང་ཆེ་མཆོག་དང་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་བསྟི་གནས་ཁང་གི་སྐུ་ཚབ། གཞན་ཡང་བོད་ཀྱི་བུད་མེད་ལྷན་ཚོགས་ཀྱི་སྐུ་ཚབ་དང་ལྷན་དུ་རྒྱ་གར་རྒྱལ་ས་ལྡི་ལིར་རྟེན་གཞི་བྱས་པའི་༸གོང་ས་༸སྐྱབས་མགོན་ཆེན་པོ་མཆོག་གི་ཀུན་ཕན་བདེ་རྩ་ཚོགས་པའི་གོ་སྒྲིག་འོག་གུ་རུ་ཀུལ་ (Gurukul Programme) ཞེས་པའི་ལས་འཆར་གྱི་ཁོངས་གཏོགས་སུ་ཚུད་པའི་རྒྱ་གར་རྒྱལ་ཡོངས་ཀྱི་མཐོ་སློབ་ཁག་ཏུ་འགྲིམ་བཞིན་པའི་སློབ་གཉེར་བ་གྲངས་ ༣༠ ཙམ་ལ་ཐུག་འཕྲད་གནང་ཡོད་པ་མ་ཟད། སྐབས་དེར་གཞོན་ལྷན་གྱི་ལས་འགུལ་དང་བོད་དོན་འཐབ་རྩོད་སྤྱིའི་ཐད་གོ་བསྡུར་དང་དྲིས་ལན་སོགས་གནང་ཡོད་པ་མ་ཟད། སློབ་མ་ཁག་གཅིག་གི་རེ་འདུན་ལྟར་གཞོན་ལྷན་སྤྱི་ཁྱབ་དྲུང་ཆེ་མཆོག་ནས་སྙན་ངག་སྒྲོག་སྦྱང་གིས་གཞན་ཡུལ་འགྲིམས་བཞིན་པའི་བཙན་བྱོལ་བོད་མི་ཚོའི་སེམས་ཚོར་དང་ཕུགས་འདུན། གཞན་ཡང་འཐབ་རྩོད་ཀྱི་བསམ་བློ་སོགས་མངོན་ཐུབ་པ་བྱུང་སྟེ་ལས་རིམ་ལེགས་གྲུབ་བྱུང་ཡོད་པ་མ་ཟད། ལས་རིམ་གོ་སྒྲིག་གནང་མཁན་ངོས་ནས་བོད་ཀྱི་གཞོན་ནུ་ལྷན་ཚོགས་ཀྱིས་ཚོོགས་ཁང་གི་མཐུན་འགྱུར་རམ་འདེགས་གནང་བར་བཀའ་དྲིན་ཆེ་ཞུས་ཀྱིས་ལས་རིམ་ལེགས་གྲུབ་བྱུང་ཡོད།